بۇگىن ونلاين فورماتتا وتكەن ايماقتىق ۇيلەستىرۋ كەڭەسىنىڭ وتىرىسىندا الماتى قالاسىنىڭ اكىمى باقىتجان ساعىنتاەۆ كاسىپكەرلەرمەن كارانتين شارالارىن ساقتاۋ جانە شوب-قا قولداۋ كورسەتۋ ماسەلەلەرىن تالقىلادى.
ب. ساعىنتاەۆ مۋتاتسياعا ۇشىراعان ۆيرۋس شتامىنىڭ تاراپ, جاعدايدىڭ ۋشىعۋىنا بايلانىستى الماتىداعى ەپيدەميالىق احۋالدىڭ كۇردەلىلىگىن اتاپ ءوتتى. ونىڭ ايتۋىنشا, تارالۋ جىلدامدىعى جاعىنان قازىرگى جاعداي وتكەن جازعا قاراعاندا الدەقايدا كۇردەلى.
ەپيدەميا باستالعالى بەرى قاۋىپتى ىندەتتى قالادا 32 597 ادام جۇقتىرعان.
1 قاڭتار مەن 27 ناۋرىز ارالىعىندا 14 856, 2020 جىلى كۆي-ءدى جۇقتىرعان 18521 ناۋقاس تىركەلگەن. 27 ناۋرىزدا ءبىر كۇننىڭ ىشىندە كوروناۆيرۋس ينفەكتسياسىن جۇقتىرعان 510 ناۋقاس تىركەلدى (جەرگىلىكتى), سونىڭ ىشىندە 415 ناۋقاستا سيمپتومدى بولسا, 95-ءى سيمپتومسىز.
وسى رەتتە ب. ساعىنتاەۆ بارشا تۇرعىندارعا كارانتيندىك شارالاردى قاتاڭ ساقتاۋعا, بەتپەردە كيىپ, الەۋمەتتىك اراقاشىقتىقتى ساقتاۋعا جانە كوپشىلىك شارالاردى وتكىزۋدەن, ادام كوپ شوعىرلانعان جەرگە بارماۋعا شاقىردى.
كەزدەسۋدە كاسىپكەرلەر سالىقتى, جالداۋ اقىسىن مەن باسقا دا مىندەتتى تولەمدەردى كەيىنگە قالدىرۋ, سونداي-اق قارجىلىق قولداۋ سياقتى شارالاردى ۇسىنۋ تۋرالى سۇراقتار قويدى. بۇل ماسەلەنى اكىمدىك ۇكىمەتپەن بىرگە تالقىلايدى. قالا اكىمىنىڭ تاپسىرماسى بويىنشا جازعى الاڭدار مەن «اشىق» جوباسىنا كىرەتىن كومپانيالاردىڭ جۇمىسىن قالپىنا كەلتىرۋ مۇمكىندىگى قاراستىرىلادى.
سونىمەن قاتار, بيزنەس قاۋىمداستىق «اشىق» جوباسىنىڭ فۋنكتسيونالدىعىن كەڭەيتۋ جانە ۆاكتسيناتسيالانعان تۇرعىندارعا دەنساۋلىق پاسپورتىن ەنگىزۋ تۋرالى پىكىرلەر ايتتى. سونداي-اق, ايماقتىق ۇيلەستىرۋ كەڭەسىنىڭ مۇشەلەرى الداعى جاپپاي ۆاكتسيناتسيا ناۋقانىن قولداۋعا دايىن ەكەندىكتەرىن ءبىلدىردى.
