«بۇگىن «دينامو» دەنە شىنىقتىرۋ-سپورت كەشەنىندە جامبىل وبلىسى پوليتسيا دەپارتامەنتىنىڭ ۇيىمداستىرۋىمەن «حالىق قاھارمانى» عازيز بايتاسوۆتى ەسكە الۋعا ارنالعان ۆولەيبولدان وبلىستىق تۋرنير ءوتتى. سپورتتىق ءىس-شارا بارلىق سانيتارلىق-تالاپتاردى ساقتاۋمەن ۇيىمداستىرىلدى» دەلىنگەن جازبادا.
جانات سۇلەيمەنوۆتىڭ جازۋىنشا, شارانىڭ سالتاناتتى اشىلۋ راسىمىنە قازاقستان رەسپۋبليكاسى پارلامەنت سەناتىنىڭ دەپۋتاتى ابدالى نۇراليەۆ, مەملەكەتتىك قايراتكەر, وبلىستىڭ قۇرمەتتى ازاماتى مۇراتباي جولداسباەۆ, جامبىل وبلىسى پوليتسيا دەپارتامەنتى جانىنداعى كونسۋلتاتيۆتىك-كەڭەسشى ورگاننىڭ توراعاسى, «قازاقستاننىڭ ەڭبەك ەرى» مۇقاش ەسكەندىروۆ, وبلىس بويىنشا ۇلتتىق قاۋىپسىزدىك كوميتەتى دەپارتامەنتىنىڭ باستىعى مارات يرمەنوۆ, مەملەكەتتىك كىرىستەر دەپارتامەنتىنىڭ باستىعى قايرات قارمانداەۆ, قىلمىستىق-اتقارۋ جۇيەسى دەپارتامەنتىنىڭ باستىعى تەڭىزجان جانىبەكوۆ جانە باتىردىڭ ەكى ۇلى ارمانجان مەن ءادىلجان بايتاسوۆتار قاتىسقان.
«تۋرنيردە 10 كوماندا باق سىنادى. تارتىستى وتكەن ويىندار ناتيجەسىندە 1-ورىندى ۇلتتىق قاۋىپسىزدىك كوميتەتىنىڭ جامبىل وبلىستىق دەپارتامەنتى جەڭىپ الدى. 2-ورىندى تۋرنير ۇيىمداستىرۋشىلارىنىڭ ارنايى شاقىرۋىمەن كەلگەن «قازفوسفات» كومانداسى الدى. 3, 4-ورىنداردى پوليتسيا دەپارتامەنتى جانە توتەنشە جاعدايلار دەپارتامەنتى يەلەندى.
عازيز بايتاسوۆتىڭ ەسىمىن ۇلىقتاۋ شاراسى جىل سايىن جالعاسىن تاباتىن بولادى. الداعى 3 ءساۋىر كۇنى پوليتسيا كاپيتانى 50 جاسقا تولار ەدى», دەپ اتاپ ءوتتى پوليتسيا گەنەرال-مايورى.
