شينا زاۋىتىن سالۋ بويىنشا ينۆەستيتسيالىق جوبانى ىسكە اسىرۋعا نەگىزدەمەلىك كەلىسىمگە, ينۆەستيتسيالىق كەلىسىمشارتقا قول قويىلدى. جوبانىڭ جالپى ينۆەستيتسيا كولەمى 119 ملرد.تەڭگەنى قۇرايدى.
ينۆەستيتسيالىق كەلىسىمدەردىڭ بۇل پاكەتى تاتارستان رەسپۋبليكاسى مەن قازاقستان رەسپۋبليكاسى اراسىنداعى ىنتىماقتاستىقتى دامىتۋداعى كەزەكتى قادام بولدى.
قول قويىلعان قۇجاتتار زاۋىت قۇرىلىسى بارىسىنداعى ينۆەستيتسيالىق پرەفەرەنتسيالار بويىنشا تاراپتاردىڭ نەگىزگى ۋاعدالاستىقتارىن, «KamaTyresKZ» جشس ينۆەستيتسيالىق مىندەتتەمەلەرىن, سونداي-اق قازاقستاننىڭ ينۆەستيتسيالىق جوبانى ىسكە اسىرۋ ءۇشىن جەر ۋچاسكەسىنە زاتتاي گرانت بەرۋ شارتتارىن رەتتەيدى.
بىرلەسكەن كاسىپورىندى قۇرۋ قازاقستاندا قۋاتتىلىعى جىلىنا 3 ملن جەڭىل جانە جەڭىل جۇك تيەيتىن شينالار, سونداي-اق تسمك-نىڭ 0,5 ملن جۇك شينالارىن شىعاراتىن جاڭا زاۋىت سالۋدى كوزدەيدى. ءوندىرىس 2022 جىلى ىسكە قوسىلادى دەپ كۇتىلۋدە, ال زاۋىتتى تولىق جوبالىق قۋاتىنا 2024 جىلى شىعارۋ جوسپارلانۋدا.
جوبا اياسىندا 1 116 جۇمىس ورنى اشىلادى. اۆتوموبيل شينالارى رەسەيگە, قازاقستانعا جانە ورتالىق ازيا ەلدەرىنە اۆتوموبيلدەردىڭ باستاپقى جيناقتاماسىنا جىبەرىلەتىن بولادى.
«تاتنەفت» جاق - قۇرامىندا مۇناي-گاز ءوندىرۋ, مۇناي وڭدەۋ, مۇناي-گاز حيمياسى, شينا كەشەنى, جقس جەلىسى, ەلەكتر ەنەرگەتيكاسى, مۇناي-گاز سالاسىنا ارنالعان جابدىقتاردى ازىرلەۋ جانە ءوندىرۋ, سەرۆيستىك قۇرىلىمدار بلوگى قارقىندى دامىپ كەلە جاتقان رەسەيلىك تىگىنەن ينتەگراتسيالانعان ءىرى مۇناي كومپانيالارىنىڭ ءبىرى.
«KamaTyresKZ» جشس - قازاقستاننىڭ ساران قالاسىندا شينا ءوندىرىسىن ۇيىمداستىرۋ ماقساتىندا 2020 جىلدىڭ قازان ايىندا «ۋك «تاتنەفت-نەفتەحيم» جشق جانە «Allur Tyres» جشس كومپانيالارىمەن قازاقستاندا قۇرىلعان بىرلەسكەن كاسىپورىن.
«الليۋر كومپانيالار توبى» اق قازاقستاننىڭ ەڭ ءىرى ءاۆتووندىرۋشىسى «سارىارقااۆتوپروم» جشس اكتسيونەرى, قر اۋماعىنداعى JAC, Ankai, Yutong, Chevrolet, Ravon برەندتەرىنىڭ رەسمي ديستريبيۋتورى, ءوندىرۋشىسى جانە ديلەرى, Hyundai, Niva Chevrolet, UAZ جانە man ءوندىرۋشىسى بولىپ تابىلادى.
