ەسكە سالا كەتەيىك, 25 ناۋرىزدا ساعات تۇنگى 02.00 شاماسىندا «وتباسى ۇلگىسىندەگى «اتامەكەن» بالالار اۋىلىندا» تاربيەلەنىپ جۇرگەن 15-16 جاستاعى ءۇش ءجاسوسپىرىم قىز بەلگىسىز سەبەپپەن اتالعان مەكەن-جايدان شىعىپ كەتكەن. سودان بەرى حابارسىز قالعان. ولاردىڭ حابارسىز كەتۋىنە بايلانىستى ىزدەستىرۋ جۇمىستارى جۇرگىزىلۋدە. «جاسوسپىرىمدەردىڭ قاۋىپسىزدىگى ءۇشىن ىزدەۋ شارالارىنا ەرىكتى ازاماتتار دا جۇمىلدى. ءجاسوسپىرىم قىزدار ءالى دە تابىلعان جوق. وسىعان بايلانىستى ىزدەۋ جۇمىسىنا بەلسەندى ازاماتتاردى, جاناشىر ەرىكتىلەردى شاقىرامىز», دەپ جازىلعان قىزىلوردا وبلىستىق ءبىلىم باسقارماسى تاراتقان حابارلامادا. قىزىلوردا قالالىق پوليتسيا باسقارماسىنىڭ حابارلاۋىنشا, وسى ماقساتتا وبلىس ورتالىعىنداعى كوپقاباتتى ۇيلەردىڭ شاتىرلارى, ساياجايلار, تاستاندى ۇيلەر مەن قۇرىلىسى بىتپەگەن عيماراتتار, ويىن-ساۋىق ورتالىقتارى مەن جالدامالى پاتەرلەر تەكسەرىلۋدە. ولاردىڭ فوتوسۋرەتتەرى كورسەتىلىپ, سۇراستىرۋ جۇمىستارى جۇرگىزىلۋدە. بۇل جۇمىستار وبلىستىق پوليتسيا دەپارتامەنتى باسشىلىعىنىڭ باقىلاۋىندا.
