اقمولا وبلىسى بويىنشا ورمان شارۋاشىلىعى جانە جانۋارلار الەمى اۋماقتىق ينسپەكتسياسىنىڭ باسشىسى لاشىنتاي دۇيسەنوۆتىڭ ايتۋىنشا, كيىكتەردىڭ ولەكسەسىن 9 ناۋرىزدا ساۋمال كولىنەن 10 شاقىرىم اۋماقتان انىقتاعان. بۇل جاعداي قورعالجىن اۋداندىق پوليتسيا بولىمىندە №211160030000107 مالىمەتتەر ءتىزىلىمى كىتابىندا تىركەلدى. «كيىكتەردىڭ قالىڭ قار مەن كۇردەلى اۋا رايىنىڭ سالدارىنان ءشوپ تەۋىپ جەي الماعاندىقتان اشتان قىرىلعانى انىقتالدى», دەيدى لاشىنتاي دۇيسەنوۆ. سوندىقتان وسى جاعدايعا بايلانىستى جانە كيىكتەردىڭ جاپپاي قىرىلۋىن بولدىرماۋ ءۇشىن اقمولا وبلىسىنىڭ مامانداندىرىلعان تابيعات قورعاۋ پروكۋراتۋراسى وبلىستىق ورمان شارۋاشىلىعى جانە جانۋارلار الەمى اۋماقتىق ينسپەكتسياسىنا قورعالجىن, ەگىندىكول, جاقسى جانە اتباسار اۋداندارىنىڭ اكىمدەرىنە كيىكتەر جۇرەتىن اۋماقتارداعى قاردى كۇرەۋدى ۇيىمداستىرۋ تۋرالى نۇسقاۋ بەرىلدى.
ەسكە سالا كەتەيىك, بىرنەشە كۇن بۇرىن جابايى كيىكتەر اقمولا وبلىسىنىڭ قورعالجىن اۋلىنا كىرىپ كەتكەن بولاتىن. تۇرعىندار ولارعا جەم-ءشوپ بەرگەن ەدى.
