حالىقارالىق «بولاشاق كوشباسشىلارىنىڭ ءسامميتى-2021. اقىل الاڭى» – الماتىداعى بۇۇ وكىلدىگىندەگى اقپاراتتىق ورتالىعىنىڭ, قر ءسىم وكىلدىلىگىنىڭ, «Helping Hand» حالىقارالىق ۇيىمىنىڭ, سونداي-اق قازاقستاندا تىركەلگەن شەتەلدىك ديپلوماتيالىق وكىلدىكتەر مەن حالىقارالىق ۇيىمداردىڭ بەلسەندى قولداۋىمەن قازۇۋ جانىنداعى پان گي مۋن اتىنداعى تۇراقتى دامۋ ينستيتۋتى جانە بىرىككەن ۇلتتار ۇيىمىنىڭ «جاڭا جىبەك جولى» مودەلىنىڭ حاتشىلىعى ۇيىمداستىردى.
سامميت ءال-فارابي اتىنداعى قازۇۋ عىلىمي-يننوۆاتسيالىق قىزمەتتەر جونىندەگى پرورەكتور, پروفەسسور ت.س.رامازانوۆتىڭ قۇتتىقتاۋ سوزىمەن اشىلدى. ءىس-شارا بارىسىندا قر ءسىم كوپجاقتى ىنتىماقتاستىق باسقارماسىنىڭ باستىعى ديدار تەمەنوۆ, بۇۇ قازاقستانداعى جاھاندىق كوممۋنيكاتسيا دەپارتامەنتىنىڭ وكىلى ۆلاستيميل سامەك, بۇۇ ۇندىستانداعى وكىلى, UNITLABS باعدارلامالارىنىڭ اعا ءۇيلەستىرۋشىسى رادجيۆ گۋلاتي, ۆەناداعى جاھاندىق ازاماتتىق ورتالىعى باعدارلامالارىنىڭ ۇيلەءستىرۋشىسى دجۋليا تسيممەرمان, MDP Global Classroom باعدارلاماسىنىڭ ەكس-ديرەكتورى ر.ابازوۆ جانە تاعى دا باسقالارى سءامميتتى ۇيىمداستىرۋشىلارعا جانە قوناقتارعا جىلى لەبىزدەرىن ءبىلدىرىپ, تىلەكتەرىن ايتتى.
ونلاين-سامميت: «Covid-19 پاندەمياسىنا قارسى يممۋنداۋ», «ساپالى ونلاين-ءبىلىم بەرۋ», «گەندەرلىك تەڭدىك جانە ايەلدەر قۇقىقتارى مەن مۇمكىندىكتەرىن كەڭەيتۋ», «COVID-19 ەكونوميكانىڭ جاڭارۋىنا اسەرى» جانە «ونلاين-ارانداتۋلاردى بولدىرماۋ» باعىتتارىنداعى وزەكتى ماسەلەلەر بويىنشا كوپتەگەن ەلدەردىڭ 100-دەن استام جاس ليدەرلەرىن جينادى. شارا بارىسىندا «ويلاۋ-ديزاين» ادىستەمەسى بويىنشا ستۋدەنتتەر مەن الەمدىك ساراپشىلار پىكىر الماسىپ, ويلارىن ورتاعا سالدى. فورۋم وزىق ويلارىمەن, تاجىريبەلەرىمەن, سىندارلى ءىس-قيمىل جوسپارلارىمەن جانە جوبالارىمەن بولىسەتىن جاستاردىڭ باستارىن قۇرىپ, بىرىكتىردى.
ەستەرىڭىزگە سالا كەتەيىك, ءال-فارابي اتىنداعى قازۇۋ بۇۇ-نىڭ «اكادەميالىق ىقپال» باعدارلاماسىنا الدىمەن مۇشە بولىپ كىردى, سودان كەيىن ونىڭ الەمدەگى ون جاھاندىق حابىنىڭ ءبىرى بولدى جانە كوپتەگەن حالىقارالىق الاڭداردا بۇۇ-نىڭ جاھاندىق باستامالارى مەن تۇراقتى دامۋ ماقساتتارىن ىسكە اسىرۋعا ايتارلىقتاي ۇلەسءىنقوستى. ۋنيۆەرسيتەت بۇل قۇرمەتتى جانە جاۋاپتى مارتەبەءنى 2014 جىلدان باستاپ ساقتاپ كەلەدى. بۇۇ 8-ءشى باس حاتشىسىنىڭ تىكەلەي قاتىسۋىمەن قازۇۋ-دە پان گي مۋن اتىنداعى تۇراقتى دامۋ ينستيتۋتى قۇرىلىپ, ويداعىداي جۇمىس ىستەۋدە.
