كەزدەسۋ جۋرناليستيكا جانە ساياساتتانۋ فاكۋلتەتىنىڭ تەلەراديو جانە قوعاممەن بايلانىس كافەدراسى مەن ۋنيۆەرسيتەتتىڭ عىلىمي كىتاپحاناسىنىڭ ۇيىمداستىرۋىمەن ءوتتى.
ەل تاۋەلسىزدىگىنىڭ 30 جىلدىعى اياسىندا ەلتاڭبا اۆتورىمەن بولعان كەزدەسۋگە جۋرناليستيكا جانە ساياساتتانۋ فاكۋلتەتىنىڭ ستۋدەنتتەرى مەن «توپجارعان» جاس اقىندار كلۋبىنىڭ مۇشەلەرى قاتىستى. كەزدەسۋگە كوپشىلىك زۋم قوسىمشاسى ارقىلى ونلاين فورماتتا دا قاتىسىپ وتىردى. ءىس-شارانى عىلىمي كىتاپحانانىڭ ديرەكتورى باقىتجان ورازاليەۆ پەن فيلولوگيا عىلىمىنىڭ دوكتورى, پروفەسسور سەرىك نەگيموۆ اشتى. جانداربەك مالىبەكوۆ مەملەكەتتىك ءرامىزدىڭ ماڭىزىن ءتۇسىندىرىپ, ۋنيۆەرسيتەتتىڭ عىلىمي كىتاپحاناسىنا «وتىرار كىتاپحاناسىنىڭ ۇجىمىنا قر 30 جىلدىق مەرەيتويىنا تارتۋ. قر ەلتاڭبا اۆتورى ج. مالىبەكوۆ» دەگەن ماتىنمەن قولتاڭباسى قويىلعان ەلتاڭبانى تارتۋ ەتتى. ج. مالىبەكوۆ كەزدەسۋگە قاتىسقان جاستارعا, سول كەزدە 245 جوبانىڭ ىشىنەن تاڭدالىپ الىنعان ەلتاڭباداعى ءاربىر سيمۆولدىڭ سىرىن اشىپ, ءمان-ماعىناسىن ءتۇسىندىرىپ بەردى.
ايتا كەتۋ كەرەك, جانداربەك مالىبەكوۆ ەلتاڭبا اۆتورى عانا ەمەس, ارحيتەكتۋرا سالاسىنىڭ مايتالمانى, ەلورداداعى كوپتەگەن ساۋلەتتى جوبالاردى جۇزەگە اسىرعان مامان ەكەنىن كوپشىلىك بىلە بەرمەيدى. سونىڭ ىشىندە ول «نۇر استانا» مەشىتى, «استانا-وپەرا» تەاترى, «Oitek» ارحيتەكتۋراسىنىڭ, «Expo-2017» قالاشىعى مەن جاڭا تۇركىستان قالاسىنىڭ باس جوسپارىن جاساعان.
كەزدەسۋ سوڭىندا «توپجارعان» جاس اقىندار كلۋبىنىڭ مۇشەلەرى ەلتاڭبا اۆتورىنا العىسىن ءبىلدىرىپ, جالىندى جىرلارىن وقىدى.
