ايماقتار • 27 ناۋرىز, 2021

ساۋىردە الماتىعا 81 500 دوزا ۆاكتسينا جەتكىزىلەدى

131 رەت
كورسەتىلدى
1 مين
وقۋ ءۇشىن

ساۋىردە 81,5 مىڭ الماتىلىقتى كوروناۆيرۋسقا قارسى ۆاكتسيناتسيالاۋ جوسپارلانىپ وتىر, دەپ حابارلايدى Egemen.kz.

ساۋىردە الماتىعا 81 500 دوزا ۆاكتسينا جەتكىزىلەدى

قوعامدىق دەنساۋلىق ساقتاۋ باسقارماسىنىڭ مالىمەتىنشە, «سپۋتنيك V» ۆاكتسيناسىنىڭ العاشقى ترانشى قالاعا اقپان ايىندا جەتكىزىلدى.

«سپۋتنيك V» ۆاكتسيناسىنىڭ ءبىرىنشىسى 1750 دوزاسى اقپاندا الىنىپ, ەكى كومپونەنت تە 100 پايىزعا يگەرىلدى. ەكىنشىسى ناۋرىزدا 10 800 دوزا كولەمىندە بولدى. ءبىرىنشى كومپونەنت 100 پايىزعا يگەرىلدى, رەۆاكتسيناتسيا باستالدى. ءۇشىنشى 3200 دوزا ناۋرىزدا كەلدى. ءبىرىنشى كومپونەنت 100 پايىزعا يگەرىلدى, رەۆاكتسيناتسيا ءۇشىن ەكىنشى كومپونەنتتى كۇتىپ وتىرمىز. ساۋىردە 81 500 دوزا جەتكىزىلۋى ءتيىس. ياعني ساۋىردە 81 500 الماتىلىق «سپۋتنيك V» ۆاكتسيناسىن سالدىرادى» دەپ حابارلادى باسقارمادان.

سونىمەن قاتار, باسقارماداعىلار مامىر ايىندا ۆاكتسينانىڭ 65 200 دوزاسىن جەتكىزۋ جوسپاردا ەكەنىن اتاپ ءوتتى. بىراق بۇل الدىن الا دەرەكتەر, ويتكەنى دەنساۋلىق ساقتاۋ مينيسترلىگى الماتىعا جەتكىزىلەتىن ۆاكتسينانى كوبەيتۋ ماسەلەسىن قاراستىرىپ جاتىر.

ەسكە سالا كەتەيىك, الماتى قالالىق قوعامدىق دەنساۋلىق ساقتاۋ باسقارماسىنىڭ وكىلى, تەلەمەديتسينا ورتالىعىنىڭ ديرەكتورى لاۋرا مىرزاعالي ساۋدا ۇيلەرى مەن بازارلارداعى حالىقتى ۆاكتسيناتسيالاۋ ماسەلەسى پىسىقتالىپ جاتقانىن ايتقان بولاتىن.

سوڭعى جاڭالىقتار