قر پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى لاززات رامازانوۆا بارلىق دەڭگەيلەردە وتباسى ينستيتۋتىن نىعايتۋ ماسەلەلەرى بويىنشا ءتيىمدى ءوزارا ءىس-قيمىلدى قالىپتاستىرۋدىڭ ماڭىزدىلىعىن, سونداي-اق ازاماتتىق قوعاممەن تىعىز ءوزارا ءىس-قيمىلدىڭ قاجەتتىگىن اتاپ ءوتتى.
«وتباسىلىق جانە گەندەرلىك ساياسات تۇجىرىمداماسىندا قويىلعان ماقساتتار مەن مىندەتتەرگە قول جەتكىزۋ ءۇشىن جاۋاپكەرشىلىك وڭىرلەردىڭ اكىمدەرىنە جۇكتەلۋى ءتيىس. بۇل باعىتتاعى جۇمىس ناقتى جۇرگىزىلۋ قاجەت. وتباسى ينستيتۋتىن نىعايتۋ ماسەلەسى مەملەكەت باسشىسىنىڭ نازارىندا», دەپ اتاپ ءوتتى لاززات رامازانوۆا.
ۇلتتىق كوميسسيانىڭ قۇرامىن نىعايتۋ ماقساتىندا پرەزيدەنتتىڭ 2021 جىلعى 19 ناۋرىزداعى №536 جارلىعىمەن ونىڭ قۇرامىنا جاڭا مۇشەلەر - ازاماتتىق قوعام مەن كۆازيمەملەكەتتىك سەكتوردىڭ بەلسەندى وكىلدەرى ەنگىزىلدى. ولار: «اكەلەر وداعى» قوعامدىق بىرلەستىكتەرىنىڭ جەتەكشىسى م.ايتماعانبەت جانە «Talbesik» كوپ بالالى انالار وداعىنىڭ جەتەكشىسى ل.قوجاحمەتوۆا, ۇلتتىق كووپەراتيۆتەر قاۋىمداستىعىنىڭ پرەزيدەنتى ق.شايح, قازاقستاننىڭ باتىس وبلىستارىنداعى «ORTAQ» وڭىرلىك ايەلدەر باستامالارى اليانسىنىڭ ءتورايىمى س.ساليحوۆا, جۋرناليست د.مۇقاەۆ, «دامۋ» كاسىپكەرلىكتى دامىتۋ قورى اق باسقارما ءتورايىمى گ. بورىباەۆا, «KAZENERGY» قازاقستان مۇناي-گاز جانە ەنەرگەتيكا كەشەنى ۇيىمدارى قاۋىمداستىعىنىڭ اتقارۋشى ديرەكتورى ل.احمۋرزينا, «قازپوشتا» اق قىزىلوردا وبلىستىق فيليالىنىڭ ديرەكتورى ا.ابيبۋللاەۆا. قر پرەزيدەنتىنىڭ كەڭەسشىسى م.اكىمجانوۆا جانە قوعام قايراتكەرى س.تۇرسىنبەكوۆا ۇلتتىق كوميسسيا توراعاسىنىڭ ورىنباسارلارى رەتىندە ۇسىنىلدى.
وتىرىستا اقپارات جانە قوعامدىق دامۋ مينيسترلىگىنىڭ قازاقستان رەسپۋبليكاسىنداعى 2030 جىلعا دەيىنگى وتباسىلىق جانە گەندەرلىك ساياسات تۇجىرىمداماسىن ىسكە اسىرۋ جونىندەگى ءىس–شارالار جوسپارىنىڭ ەكىنشى كەزەڭىنىڭ ورىندالۋ بارىسى تۋرالى اقپاراتى تىڭدالدى, سونداي-اق «قازاقستاندىق وتباسىلار-2020» ۇلتتىق بايانداماسى تانىستىرىلدى.
مەملەكەتتىك وتباسىلىق جانە گەندەرلىك ساياساتتى ىسكە اسىرۋعا باعىتتالعان مەملەكەتتىك الەۋمەتتىك تاپسىرىستى ورىنداۋ تۋرالى ماسەلەلەر تالقىلاندى. ءلاززات رامازانوۆا گرانتتىق قارجىلاندىرۋ اياسىندا جۇزەگە اسىرىلىپ جاتقان جوبالاردى جوسپارلاۋ تاسىلدەرىن مۇقيات قاراۋدى ۇسىندى.
وڭىرلەردە 31 «جانۇيا», «باقىتتى وتباسى» وتباسىن قولداۋ ورتالىقتارىنىڭ قىزمەتتەرى ۇيىمداستىرىلعان. ورتالىقتار زاڭگەرلىك, ءبىلىم بەرۋ, دەنساۋلىق ساقتاۋ, الەۋمەتتىك قورعاۋ, جۇمىسپەن قامتۋ جانە ت.ب. ماسەلەلەر بويىنشا كەڭەس بەرۋ قىزمەتتەرى كورسەتىلەدى.
اكە ينستيتۋتىن دامىتۋ ماقساتىندا بالالار مەن جاستاردى تاربيەلەۋدە ماڭىزدى ءرول اتقاراتىن اكەلەر قوزعالىسى بەلسەندى دامىپ كەلەدى. بۇگىنگى تاڭدا «اكەلەر وداعى» رقب-ءنىڭ 8 فيليالى الماتى قالاسىندا, اقتوبە, اتىراۋ, جامبىل, باتىس قازاقستان, قاراعاندى, قوستاناي جانە قىزىلوردا وبلىستارىندا جۇمىس ىستەيدى. بۇل باعىتتا يۋنفپا حالىقارالىق ۇيىمىمەن بىرقاتار بىرلەسكەن جوبالار ىسكە اسىرىلۋدا.
وتىرىس قورىتىندىسى بويىنشا ورتالىق مەملەكەتتىك جانە جەرگىلىكتى اتقارۋشى ورگاندارعا بىرقاتار ۇسىنىستار بەرىلدى.
