جۇمىس توبى «وسكەمەن – گلۋبوكوە اۋدانى – شەمونايحا اۋدانى – وسكەمەن» باعىتى بويىنشا اەروۆيزۋالدى مونيتورينگىگە «قازاۆياقۇتقارۋ» اق-نىڭ «ەۆروكوپتەر ەس-145» تىكۇشاعىن قولداندى. بۇل ۋچاسكەلەر ءوڭىردىڭ گيدرولوگيالىق جاعدايىن انىقتاۋ ماقساتىندا تەكسەرىلدى.
مونيتورينگ ناتيجەلەرى بويىنشا ماماندار بارلىق زەرتتەلەتىن اۋماقتا قار ەرۋدىڭ باستاپقى كەزەڭى بايقالاتىنىن انىقتادى.
ەرتىس وزەنىندە وسكەمەن سۋ قويماسىنان گلۋبوكوە اۋدانىنىڭ بەرەزوۆكا اۋىلىنا دەيىن مۇز جوق, وزەن ارناسىنان سۋدىڭ شىعۋى بايقالمايدى. ءشۇلبى سۋ قويماسىنىڭ بارلىق الاڭىندا مۇز قاتۋ بايقالادى.
سۋ تاسقىنى جاعدايىن باقىلاۋ ءۇشىن وڭىردە 53 گيدروبەكەتتى قامتيتىن باقىلاۋ جۇيەسى جۇمىس ىستەيدى.
شىعىس قازاقستان وبلىسىندا كوپ جىلدىق سينوپتيكالىق بولجام بويىنشا وبلىس وزەندەرىندەگى سۋ تاسقىنى ادەتتە ناۋرىزدىڭ ەكىنشى ونكۇندىگىنەن باستالىپ, ماۋسىم ايىنىڭ ەكىنشى ونكۇندىگىنىڭ ورتاسىنا دەيىن سوزىلادى. وزەندەردەگى سۋ دەڭگەيىنىڭ كوتەرىلۋ قارقىندىلىعى جانە كولبەۋ اعىنداردىڭ پايدا بولۋى اۋا تەمپەراتۋراسىنىڭ كۇرت كوتەرىلۋىنە جانە جاڭبىر تۇرىندەگى جاۋىن-شاشىنعا بايلانىستى ارتۋى مۇمكىن.
