ءمينيستردىڭ بۇل ساپارى قالا باسشىلىعىمەن ەپيدەميالىق جاعدايدى تالقىلاپ, مەديتسينالىق مەكەمەلەردە Covid-19-بەن كۇرەس جۇمىستارىمەن تانىسۋدى كوزدەيدى.
مينيسترلىك دەلەگاتسياسىمەن بىرگە №7 اۋرۋحاناعا الماتى قالاسى اكىمىنىڭ ورىنباسارى ەرجان باباقۇماروۆ, الماتى قالاسىنىڭ باس سانيتارلىق دارىگەرى جانداربەك بەكشين, الماتى قالالىق قوعامدىق دەنساۋلىق ساقتاۋ باسقارماسىنىڭ جەتەكشىسى ناريمان تابىنباەۆ كەلدى.
الماتىعا جۇمىس ساپارى كەزىندە دەنساۋلىق ساقتاۋ ءمينيسترى ا.تسويعا كارانتين جاعدايىنداعى ستاتسيونار جۇمىستارى, اۋرۋحانانىڭ ىندەت باسەڭسىگەن جاعدايدا نەمەسە ەپيداحۋال كۇرت ناشارلاعان جاعدايداعى جوسپارىمەن تانىستىردى. سونىمەن قاتار مينيسترگە بىرنەشە بولىمشەلەر, بولمەلەردى اۋماققا ءبولۋ, مەديتسينالىق گازبەن قامتاماسىز ەتۋ جۇيەسى, اۋرۋحانا مەن ەمحانا كىرەبەرىسىندە ورناتىلعان دەنە قىزۋىن ولشەۋ تەپلوۆيزورلارى, كۆي تارالماۋىنا ىقپال ەتەتىن مەديتسينالىق قالدىقتاردى تەز جوياتىن كەشەن كورسەتىلدى.
الماتى قالالىق №7 كلينيكالىق اۋرۋحاناسىنىڭ باس دارىگەرى ماناس رامازانوۆ اۋرۋحانانىڭ قالا ستاتسيونارلارىنىڭ ەمدەۋ الگوريتمىنە سايكەس تولىق دايىن ەكەندىگىن مالامدەدى.
