دارىگەردىڭ ايتۋىنشا, كوروناۆيرۋستىڭ سيمپتومسىز تۇرىمەن اۋىرىپ شىققاندار ارنايى ەمدەۋ مەن وڭالتۋدان ءوتۋدى قاجەت ەتپەيدى. ەمدەلۋ پنەۆمونيامەن اۋىرعاندارعا قاجەت, سەبەبى, ول كەزدە وكپە جانە قالعان دەنە مۇشەلەرىنىڭ گيپوكسياسى تۋىندايدى. سوندىقتان, ورتاشا جانە اۋىر تۇردە كوروناۆيرۋسپەن اۋىرعاندار اۋرۋحانادان سالاۋاتتى بولىپ شىقپايدى.
كوروناۆيرۋستان سوڭعى جاعىمسىز سەزىم جانە اسقىنۋلار «كوۆيدتەن كەيىنگى سيندروم» دەپ اتالادى. كوۆيدتەن كەيىنگى سيندروم ۇزاق ۋاقىت ساقتالۋى مۇمكىن, كوپتەگەن اپتا بويى ءتىپتى اي بويى سوزىلادى. كوۆيدتەن كەيىنگى سيمپتومدار: وكپە فيبروزى, جۇرەك-قانتامىر اۋرۋىنىڭى اسقىنۋى, كوپ ۇيىقتاۋ, ۇنەمى السىزدىككە ۇشىراۋ, جادىنىڭ ناشارلاۋى, كوگنيتيۆتى اۋىتقۋلار (دۇرىس ىقىلاس اۋدارماۋ), دەمىكپە, دەپرەسسيا جانە تاعى باسقا دا بەلگىلەر بولادى.
اعزانى قالپىنا كەلتىرۋ ءۇشىن اۋىرعان ادامدارعا وڭالتۋدان ءوتۋ قاجەت. بۇل وكپە مەن تىنىس الۋ فۋنكتسيالارىنىڭ تولىققاندى جۇمىس ىستەۋىن قالپىنا كەلتىرىپ, پنەۆموفيبريوزدى بولدىرمايدى, قالعان سالدارىن جويىپ يمۋنيتەتتى كۇشەيتەدى.
ول ءۇشىن تۇرعىلىقتى مەكەن-جايى بويىنشا ەمحاناعا, ۋچاسكەلىك دارىگەرگە بارۋ كەرەك, ول ءوز كەزەگىمەن ادامنىڭ جاي-كۇيىنىڭ اۋىرتپالىعىن باعالايدى. پاتسيەنتتىڭ كورسەتكىشتەرى بويىنشا وڭالتۋ ورتالىعىنا نەمەسە ەمحانالىق جاعداي بويىنشا وڭالتۋعا جىبەرەدى.
«وڭالتۋ - ۋقالاۋ, تىنىس الۋ جاتتىعۋى, ەمدىك دەنە شىنىقتىرۋ, ترەناجەرلاردا جاتتىعۋ جاساۋ, فيزيوتەراپيا, ءدارى-دارمەكپەن ەمدەۋ, فيتوتەراپيادان تۇرادى. وڭالتۋدىڭ ءبىر كۋرسىنىڭ ۇزاقتىلىعى 10-14 كۇنگە سوزىلادى. پاتسيەنتتە وتتەكتىڭ جەتىسپەۋى سەبەبى: ۇرەي, تورىعۋ, كۇيزەلىس سەكىلدى سيمپتومدار تۋىندايدى. مۇنداي جاعدايدا پسيحوتەراپەۆكە قارالادى», دەيدى مامان.
ءسوزىنىڭ سوڭىندا گۇلجاينات تىلەگەن كۆي-مەن اۋرىپ شىققاندارعا اۋا الماستىرۋدىڭ دا وڭالتۋعا جاتاتىنىن ەسكەرە وتىرىپ, ءجيى سەرۋەندەۋ, تازا اۋا جۇتۋ, ۆەلوسيپەد تەبۋگە كەڭەس بەردى.
