قوعام • 26 ناۋرىز، 2021

الماتى وبلىسىندا دارىگەر ۆاكتسينادان قايتىس بولعان با؟

1543 رەت كورسەتىلدى

الەۋمەتتىك جەلىدە الماتى وبلىسىنىڭ ىلە اۋدانىندا گينەكولوگ-دارىگەر قايتىس بولعانى تۋرالى حابارلاما قىزۋ تالقىلانىپ جاتىر، دەپ حابارلايدى Egemen.kz

Facebook جەلىسىنىڭ پايدالانۋشىسى پاراقشاسىندا دارىگەردىڭ ولىمىنە كوروناۆيرۋستىق ينفەكتسياعا قارسى ەكپە سەبەپ بولعان دەپ جازادى. الايدا دەنساۋلىق ساقتاۋ مينيسترلىگىنىڭ وكىلى جەلى قولدانۋشىسىنىڭ جازباسى شىندىققا جاناسپايتىنىن ايتتى. ولاردىڭ مالىمدەمەسىندە قوسوزەن اۋىلىنىڭ دارىگەرى ىندەتكە قارسى ەگىلمەگەن.

– اعىمداعى جىلدىڭ بەسىنشى ناۋرىزىندا الماتى وبلىسى ىلە اۋدانى قوسوزەن اۋىلىندا 1965 جىلى تۋعان اكۋشەر اۋىرىپ قالدى. ناۋقاس 9 ناۋرىزدا جەدەل جاردەم بريگاداسىمەن فيلترگە جەتكىزىلىپ، «كودى U07.2 سول جاق وكپەلىك پنەۆمونيا، ساتۋراتسيا 89%» دياگنوزىمەن واا ينفەكتسيالىق بولىمشەسىنە جاتقىزىلدى. 23 ناۋرىزدا ول قايتىس بولدى. ولىمنەن كەيىنگى دياگنوز: «جۇرەك-قان تامىر جۇيەسىنىڭ جەتىسپەۋشىلىگى»، قايتالاما دياگنوز: «كودى U07.2 انىقتالماعان پنەۆمونيا». مارقۇمعا كۆي قارسى ەكپە سالىنباعان، – دەپ مالىمدەدى ۆەدومستۆو وكىلى.

جوعارىداعى مالىمدەمەنى دارىگەر جۇمىس ىستەگەن ىلە ورتالىق اۋرۋحانا باسشىلىعى دا راستاپ وتىر. ورتالىق اۋرۋحانىڭ باسشىلىعى مارقۇمنىڭ مەديتسينالىق قارسى كورسەتىلىمدەرى بولعاندىقتان، وعان COVID-19-عا قارسى ەكپە سالىنباعانىن العا تارتادى.

ايتا كەتەيىك، Facebook-تەگى پوستتىڭ اۆتورى كەيىننەن ءوزىنىڭ قاتەلىگىن مويىنداپ، «مەديتسينا قىزمەتكەرى پنەۆمونيادان قايتىس بولدى، بىراق ۆاكتسينا الماعان» دەپ جازدى.

 

سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار