بيۋرو وتىرىسىندا دەپۋتاتتار قاراۋىنا ەاەو-نىڭ تەحنيكالىق رەگلامەنتتەرىندە تالاپتار بەلگىلەنبەگەن ءونىمنىڭ ەاەو شەڭبەرىندەگى اينالىسىنىڭ ءتارتىبى جانە مۇنداي ءونىمنىڭ قاۋىپسىزدىگىن قامتاماسىز ەتۋ قاعيدالارى تۋرالى كەلىسىمدى راتيفيكاتسيالاۋ تۋرالى زاڭ جوباسى ۇسىنىلدى.
قۇجات وداقتىڭ تەحنيكالىق رەگلامەنتتەرى قابىلدانباعان نەمەسە كۇشىنە ەنبەگەن جانە مەملەكەتتەردىڭ زاڭناماسىنا سايكەس مىندەتتى قاۋىپسىزدىك تالاپتارى بەلگىلەنبەگەن ءونىمنىڭ قاۋىپسىزدىگىن قامتاماسىز ەتەدى. كۇن ءتارتىبىنىڭ جوباسىندا «كۆازيمەملەكەتتىك سەكتوردىڭ جەكەلەگەن سۋبەكتىلەرىنىڭ ساتىپ الۋى تۋرالى» زاڭ جوباسىن جانە وعان ىلەسپە زاڭ جوبالارىن ەكىنشى وقىلىمدا قاراۋ ۇسىنىلدى.
سونىمەن قاتار وتىرىستا جەتىنشى سايلانعان ءماجىلىس پەن شەت ەل پارلامەنتتەرى اراسىنداعى ىنتىماقتاستىق جونىندەگى توپتاردىڭ قۇرامى تۋرالى ماسەلە قارالدى.
