ەرتەڭ قورقىت اتا اتىنداعى قىزىلوردا ۋنيۆەرسيتەتىنىڭ «ستۋدەنتتەر سارايىندا» عىلىمي-تانىمدىق كونفەرەنتسيا ۇيىمداستىرىلادى. ال 27 ناۋرىزدا قارماقشى اۋدانىنداعى تۇرماعامبەت اۋىلىندا ء«ساليما انا» كەسەنەسىندە قۇران باعىشتالىپ, ارنايى اس بەرىلەدى.
– وسى كۇندەرى وبلىس ورتالىعىندا باتىر انا تۇرعان ۇيدە مەموريالدىق تاقتا ورناتىلادى. سونداي-اق, ءۇيى ء«ساليما انا» اتتى قوعامدىق مۋزەيگە اينالىپ, وندا ارحيۆتىك قۇجاتتار مەن ناگرادالارى, فوتو سۋرەتتەرى مەن جەكە زاتتارى قويىلادى, – دەدى وبلىستىق مادەنيەت, ارحيۆتەر جانە قۇجاتتاما باسقارماسىنىڭ باسشىسى ميرا ءابۋوۆا.
ەڭبەك ەرىنىڭ تۋعانىنا 85 جىل تولۋىنا وراي ستۋدەنتتەر اراسىندا ءساليما جۇمابەكقىزىنىڭ مۇراجايىن تسيفرلاندىرۋعا ارنالعان كونكۋرس وتكىزىلەدى. ءىت سالاسىنا قىزىعاتىن جاستار قاتىساتىن كونكۋرس ۇزدىگىنە ءساليما جۇمابەكقىزىنىڭ ۇرپاقتارى اتىنان 150 مىڭ تەڭگە قارجىلاي سىياقى بەرىلەتىن بولادى.
–باتىر انانىڭ 85 جىلدىق مەرەيتويىنا ارناپ ءتۇرلى دەڭگەيدە تانىمدىق-شىعارماشىلىق باعىتتاعى شارالار وتكىزۋدى جوسپارلاپ وتىرمىز. ياعني, 29 ناۋرىز كۇنى وبلىس بويىنشا تۇلعانىڭ ونەگەلى ءومىرىن ناسيحاتتايتىن بىرىڭعاي سىنىپ ساعاتتارى وتسە, 30 ناۋرىزدا ء«ساليما جۇمابەكوۆا – عاسىردىڭ باتىر اناسى» تاقىرىبىندا وقۋشىلار اراسىندا ەسسەدەن بايقاۋ ۇيىمداستىرىلادى, – دەدى وبلىستىق ءبىلىم باسقارماسىنىڭ باسشىسى اقزيرا قاسىموۆا.
