2014 جىلعى 29 مامىرداعى ەۋرازيالىق ەكونوميكالىق وداق تۋرالى شارت شەڭبەرىندە ەاەو-عا مۇشە مەملەكەتتەردىڭ ەڭبەكشىلەرى مەن ولاردىڭ وتباسى مۇشەلەرىن الەۋمەتتىك قامسىزداندىرۋ (الەۋمەتتىك ساقتاندىرۋ) جۇمىسقا ورنالاستىرۋشى مەملەكەتتىڭ ازاماتتارىمەن بىردەي شارتتاردا جانە تارتىپپەن جۇزەگە اسىرىلادى.
بۇل ەاەو-عا مۇشە مەملەكەتتەردىڭ ەڭبەكشىلەرى ۋاقىتشا ەڭبەككە جارامسىزدىق جاعدايىنا جانە انا بولۋىنا بايلانىستى الەۋمەتتىك ساقتاندىرۋعا, وندىرىستەگى جازاتايىم وقيعالاردان جانە كاسىپتىك اۋرۋلاردان مىندەتتى ساقتاندىرۋعا, سونداي-اق مىندەتتى مەديتسينالىق ساقتاندىرۋعا جاتاتىنىن بىلدىرەدى. تيىسىنشە, جۇمىس بەرۋشىلەر جۇمىسقا ورنالاستىرۋشى مەملەكەتتىڭ زاڭناماسىنا سايكەس ولار ءۇشىن ساقتاندىرۋ جارنالارىن تولەۋگە مىندەتتى.
وسىلايشا, جۇمىس بەرۋشىلەر ەاەو-عا مۇشە مەملەكەتتەردىڭ بەيرەزيدەنت جەكە تۇلعالارىمەن جاسالعان ەڭبەك شارتتارىنىڭ نەگىزىندە وسى جۇمىسكەرلەردىڭ ەڭبەكاقىسىن تولەۋ قورىنىڭ 3,5% مولشەرىندە الەۋمەتتىك اۋدارىمداردى تولەۋگە ءتيىس.
ەاەو-عا مۇشە مەملەكەتتەردىڭ ەڭبەكشىلەرى قازاقستان رەسپۋبليكاسىنىڭ مىندەتتى الەۋمەتتىك ساقتاندىرۋ جۇيەسىنە قاتىسۋشىلار رەتىندە قىزمەتكەردىڭ قازاقستان رەسپۋبليكاسىندا تۇرۋعا ىقتيارحاتىنىڭ جانە (نەمەسە) تۇراقتى تۇرۋىنىڭ بولۋىنا قاراماستان, ماسق-تان جۇكتىلىگىنە جانە بوسانۋىنا, جاڭا تۋعان بالانى (بالالاردى) اسىراپ الۋىنا بايلانىستى تولەمدەر الۋعا ءوتىنىش جاساۋعا قۇقىلى.
2020 جىلى ماسق-تان كورسەتىلگەن الەۋمەتتىك تولەمدى ەاەو-عا مۇشە مەملەكەتتەردىڭ 266 ازاماتى جالپى سوماسى 162,4 ملن تەڭگەگە الدى, بۇل 2019 جىلعى 134 ملن. تەڭگەگە قاراعاندا 21%-عا ارتىق, ال الۋشىلار سانى 13%-عا ارتتى (2019 جىلى – 235 ادام).
سونىمەن قاتار, «مىندەتتى الەۋمەتتىك ساقتاندىرۋ تۋرالى» قر زاڭىنا سايكەس قازاقستان رەسپۋبليكاسىنىڭ اۋماعىندا تۇراقتى تۇراتىن شەتەلدىكتەر مەن ازاماتتىعى جوق ادامدار جانە الەۋمەتتىك ساقتاندىرۋ جۇيەسىنىڭ قاتىسۋشىلارى بولىپ تابىلاتىن قانداستار ماسق-تان الەۋمەتتىك تولەمدەردى الۋ قۇقىعىن قازاقستان رەسپۋبليكاسىنىڭ ازاماتتارىمەن تەڭ پايدالانادى.
2020 جىلى ەاەو-عا مۇشە مەملەكەتتەردەن شىققان الەۋمەتتىك ساقتاندىرۋ جۇيەسىنە قاتىسۋشىلار ماسق-تان مىناداي الەۋمەتتىك تولەمدەر الدى:
- ەڭبەك ەتۋ قابىلەتىنەن ايىرىلۋ بويىنشا – 244 ادام, جالپى سوماسى 72 ملن تەڭگە;
- اسىراۋشىسىنان ايىرىلۋ بويىنشا – 204 ادام, جالپى سوماسى 57,5 ملن تەڭگە;
- جۇمىسىنان ايىرىلۋ بويىنشا – 220 ادام, جالپى سوماسى 28,7 ملن تەڭگە;
- 1 جاسقا دەيىنگى بالا كۇتىمى بويىنشا – 1 352 ادام, جالپى سوماسى 267,7 ملن تەڭگە.
ەستەرىڭىزگە سالا كەتەيىك, ەۋرازيالىق ەكونوميكالىق كوميسسيا مەن حالىقارالىق زەينەتاقى جانە الەۋمەتتىك قورلار قاۋىمداستىعى (بۇدان ءارى – حزاقق) اراسىنداعى ىنتىماقتاستىق تۋرالى مەموراندۋمعا 2018 جىلعى 20 اقپاندا قول قويىلعان بولاتىن.
مەموراندۋم شەڭبەرىندە الەۋمەتتىك قامسىزداندىرۋ, ونىڭ ىشىندە ەاەو جانە حزاقق-عا مۇشە مەملەكەتتەردەگى ازاماتتاردى الەۋمەتتىك ساقتاندىرۋ ءتارتىبى ايقىندالعان.
ماسق 2009 جىلدان باستاپ حزاقق مۇشەسى بولىپ تابىلادى.
