ەكو پارك قۇرۋ جوباسىنا ۇيىتقى بولىپ جۇرگەن ECO FUND Tabigat بولىپ تابىلادى. كوگالداندىرۋ جۇمىستارى قازاقستاننىڭ كوگالداندىرۋ قاۋىمداستىعىمەن بىرلەسۋمەن جانە جاسىل ەكونوميكا باسقارماسىنىڭ, الاتاۋ اۋدانى اكىمدىگىنىڭ, سونداي-اق بيزنەستىڭ قولداۋىمەن جۇرگىزىلدى.
«قاراعايلى ورمان» ەكو پاركىن دامىتۋ جوباسى 2020 جىلدىڭ قاڭتارىندا قالاداعى كوگالداندىرۋ ىسىنە نەمقۇرايلى قارامايتىن تۇرعىنداردىڭ قاتىسۋىمەن العاشقى 33 قاراعاي اعاشىن وتىرعىزۋدان باستالعان بولاتىن.
ءوتكەن جىلى وسى جوباعا تەك قوعام مەن ەرىكتىلەر عانا ەمەس, بيزنەس پەن جوعارى وقۋ ورىندارى, سونداي-اق جەرگىلىكتى اتقارۋشى ورگاندار دا نازار اۋداردى. بۇگىنگى تاڭدا «قاراعايلى ورماندا» 3 500-نان اسا اعاش بار. ۇيىمداستىرۋشىلار بىرنەشە جىلدان كەيىن ءبىر جىل بۇرىن قوقىس پوليگونى بولعان جەر شاھاردى وتتەگىمەن بايىتاتىن نۋ ورمانعا اينالادى دەپ ۇمىتتەنەدى. قازىردىڭ وزىندە «قاراعايلى ورمان»قالا ءۇشىن 197 توننا كومىرقىشقىل گازىن ءسىڭىرىپ, 120 تونناعا دەيىن شاڭدى ۇستاپ, قوسىمشا 219 توننا وتتەگى وندىرەدى.
ەكوبەلسەندىلەر قالا اۋماعىن كوگالداندىرۋدىڭ وتكىر ماسەلەلەرىنە قانىق. ەكو قورىنىڭ جەكە زەرتتەۋى قالامىزدا جاسىل جەلەكتەر ددۇ تالاپ ەتكەن نورمالاردان 4 ەسەگە از ەكەنىن كورسەتەدى. «ءبىز سىزدەرمەن بىرگە ەلىمىزدەگى ەكولوگيا احۋالىنىڭ قالاي قالىپتاسىپ وتىرعانىن بۇرىننان بىلەمىز. قالا تۇرعىندارى توبەمىزدە قالقىپ تۇراتىن ءتۇتىندى كۇندەلىكتى كورىپ ءجۇر دەپ ويلايمىن. سوندىقتان ءبىزدىڭ قور كوگالداندىرۋ قاجەتتىگىنە بارىنشا نازاردى اۋدارتۋعا كۇش-جىگەر جۇمساپ, كوپشىلىكتى وسى يگى ىسكە تارتۋعا تىرىسادى. ءبىز بۇل جاعدايدى قاراپايىم ازاماتتاردىڭ, بيلىكتىڭ جانە الەۋمەتتىك جاۋاپتى بيزنەستىڭ بىرلەسكەن كۇشىمەن عانا جاقسارتا الامىز. ءبىزدىڭ ەكولوگيامىزدىڭ قولايسىز جاعدايىن تۇزەۋ ءبىر كۇندىك ءىس ەمەس, سوندىقتان ءبىزدىڭ الدىمىزدا جۇرگىزىلەتىن جۇمىستاردىڭ سانى كوپ جانە ارينە, بىزگە قولداۋ قاجەت بولادى», دەدى «قاراعايلى ورمان الماتى» جوباسىنىڭ باستاماشىسى, ECO FUND Tabigat توراعاسى, قر كوگالداندىرۋ قاۋىمداستىعىنىڭ توراعاسى تيمۋر ەلەۋسىزوۆ.
بۇگىن ەكو پاركتە ءبىزدىڭ وتاندىق تالىمباقتا وسىرىلگەن كاتالپا (ساناعاش) تۇقىمدى اعاشتاردىڭ 300 تىكپە كوشەتتەرى وتىرعىزىلدى. قالالىق لاندشافتتا ءجيى كەزدەسەتىن كاتالپا (ساناعاش) توپىراققا باپتى كوپ تالاپ ەتپەيتىندىگىمەن جانە ايازعا جاقسى ءتوزىمدى بولاتىندىعىمەن ەرەكشەلەنەدى. ەرەسەك اعاشتىڭ ۇشار باسىنىڭ اۋقىمدى فورماسى اينالاسىنا ۇلكەن كولەڭكە بەرەدى. ەكولوگيا جانە باۋ-باقشا سالاسىنداعى ساراپشىلاردىڭ ايتۋىنشا, اعاشتاردىڭ وسى ءتۇرىن وتىرعىزۋ وتكەن جىلدىڭ جەلتوقسان ايىندا وتىرعىزىلعان قاراعاي كوشەتتەرىنىڭ بەلسەندى وسۋىنە قولايلى كولەڭكەلى جابىندى قامتاماسىز ەتكەن ەكەن. 2020 جىلدىڭ جەلتوقسانىندا وتىرعىزىلعان 400-دەن استام كوشەت 100% جايلانىپ تۇر. وسىلايشا, ساياباق ءوز كوشەتتەرىنىڭ سانىمەن جوسپارلانعان 35 مىڭ اعاشقا جاقىنداپ كەلەدى, سونداي-اق, بۇگىندە كاتالپادان باسقا, جاسىل ەكونوميكا باسقارماسىنىڭ قولداۋىمەن تاعى 1500 تەرەك كوشەتتەرى وتىرعىزىلدى.
بۇگىنگى اعاشتاردى وتىرعىزۋ مۇمكىندىگىن جوبانىڭ تۇراقتى دوسى بولعان «ۋچەت.kz», تەحنيكا مەن ەلەكترونيكانى ساتۋدا وڭتۇستىك ءوڭىردىڭ كوشباسشىسى «Evrika» كومپانيالارى بەلسەندى تۇردە قولدادى, سونداي-اق جاقسى ىسكە «لۋكويل» جانە «BAZIS-A» سەكىلدى كومپانيالار قوسىلدى. وعان قوسا سەرىكتەستەردىڭ قولداۋىمەن «شەتسىز قالا» جانە «جاسىل الماتى» باعدارلامالارى اياسىندا وتكەن جىلدىڭ باسىندا قالا اكىمى باقىتجان ساعىنتاەۆپەن بولىنگەن 78 گا ۋچاسكەگە وتىرعىزۋ ءۇشىن كاتالپا كوشەتتەرى ساتىپ الىندى.
جوبانىڭ قوسىلعانداردىڭ بارشاسىنىڭ ماقساتى – ەكو پاركتى قۇرۋ عانا ەمەس, سونىمەن بىرگە, ونىڭ ساپاسىن قولداۋ جانە ودان ءارى بەلسەندى دامىتۋ بولىپ تابىلادى. «ءبىز قالانىڭ جاسىل قورىن دامىتۋ ءۇشىن جاعداي جاساۋدىڭ اسا قاجەتتى ەكەنىن تۇسىنگەندىكتەن ءبىز بۇل جوبانى وتكەن جىلى ىسكە اسىرۋعا قوسىلدىق. كوشەتتەردى ساتىپ الۋعا قوساتىن بولماشى ۇلەستىڭ ءىس جۇزىندە دەنساۋلىعىمىز بەن قالامىزدى جالپى جاقسارتۋعا بەرەتىن پايداسى زور. سوندىقتان, ءبىز ءۇشىن ءبىر رەت اعاش وتىرعىزۋ عانا ەمەس, ولاردىڭ اتاپ ايتقاندا, ساياباقتىڭ شىنىمەن «ءومىر ءسۇرىپ, گۇلدەنىپ جاتقانىنا» كوز جەتكىزۋ اسا ماڭىزدى بولدى», دەدى «Evrika» كومپانياسىنىڭ كوممەرتسيالىق ديرەكتورى دانيار ساسىكوۆ. بۇگىن قاتىسۋشىلار اعاش وتىرعىزىپ قانا قويماي, «الماتىداعى قاراعايلى ورمان» اۋماعىندا قوقىس جيناۋ سەنبىلىگىن دە ۇيىمداستىردى. وتكەن جىلى «الماتىداعى قاراعايلى ورماندا» جۇرگىزىلگەن اعاش وتىرعىزۋدان باسقا, الاتاۋ اۋدانى اكىمدىگى تاراپىنان دا جوبا باسىندا ۋادە ەتىلگەندەي, كوشەتتەردى ۋاقىتىلى سۋارۋدى قامتاماسىز ەتۋ بويىنشا جۇمىستار جۇرگىزىلدى.
