بۇل ماسەلە الماتى قالاسى اكىمىنىڭ ورىنباسارى ەرجان باباقۇماروۆتىڭ قاتىسۋىمەن ءمامس ماسەلەلەرى جونىندەگى وڭىرلىك شتابتتىڭ وتىرىسىندا ءسوز بولدى.
مەديتسينالىق ساقتاندىرۋ قورىنىڭ الماتى قالاسى بويىنشا فيليالىنىڭ ديرەكتورى تىلەۋحان ابىلداەۆتىڭ ايتۋىنشا, شاعىن جانە ورتا بيزنەس قىزمەتكەرلەرى ءمامس پاكەتىنەن مەديتسينالىق كومەك الۋى ءۇشىن ولاردىڭ جۇمىس بەرۋشىلەرى 2021 جىلدىڭ 31 ناۋرىزىنا دەيىن جالدامالى جۇمىسشىلار تۋرالى اقپارات بەرۋى ءتيىس.
وتكەن جىلدىڭ ءساۋىر ايىندا 2020 جىلدىڭ 1 قازانىنا دەيىن سالىق پەن الەۋمەتتىك تولەمدەر ءۇشىن «نولدىك» مولشەرلەمەنى پايدالاناتىن شوب ءتىزىمى بەكىتىلگەن بولاتىن. اتالعان جەڭىلدىك قر ۇكىمەتىنىڭ №721 قاۋلىسىنا سايكەس جىل سوڭىنا دەيىن ۇزارتىلدى. ياعني, جالدامالى جۇمىسشىلار 9 ايعا اۋدارىمدار مەن جارنالاردان بوساتىلدى.
قوردىڭ سايتىندا شاعىن جانە ورتا بيزنەس وكىلدەرى قىزمەتكەرلەر تۋرالى مالىمەتتەردى ناقتىلاۋدى 2020 جىلدىڭ سوڭىنا دەيىن تۇراقتى تۇردە جۇرگىزىپ كەلدى.
«جالپى, الماتى قالاسى بويىنشا 116 604 شوب تولەمنەن بوساتىلدى. وسى جىلدىڭ ناۋرىز ايىنىڭ باسىنداعى جاعداي بويىنشا, ولاردىڭ تەك 73,6%-ى (85 781) قىزمەتكەرلەردىڭ ءتىزىمىن ناقتىلادى نەمەسە ءمامس ءۇشىن اۋدارىمدار مەن جارنالاردى تولەدى, قالعان 26,4% (30 823) ءوز قىزمەتكەرلەرى تۋرلى قاجەتتى مالىمەتتەردى بەرمەدى. سوندىقتان جۇمىس بەرۋشىلەر شوب قىزمەتكەرلەرىن ساقتاندىرۋ بويىنشا ءتۇسىندىرۋ جۇمىستارىن جۇرگىزىپ, دەرەكتەردى قور سايتىنا ەنگىزۋلەرى قاجەت», - دەپ ءتۇسىندىردى تىلەۋحان ابىلداەۆ.
ونى قالاي جاساۋ كەرەك؟
• جۇمىس بەرۋشى msb.fms.kz سىلتەمەسى بويىنشا ءوتۋى كەرەك;
• زاڭدى تۇلعانىڭ نەمەسە جك ەتسق كومەگىمەن قوردىڭ اقپاراتتىق جۇيەسىندە تىركەلۋ جانە پايدالانۋشى كەلىسىمىنە قول قويۋ;
• قىزمەتكەرلەردىڭ جسن قوسۋ (بۇنى ءبىر Excel فايلىمەن, سونداي-اق ءاربىر جەكە قىزمەتكەرگە جول ارناپ جاساۋعا بولادى);
قىزمەتكەردىڭ دەرەكتەرى تالاپتارعا سايكەس كەلسە ءمامس جۇيەسىندە ونىڭ مارتەبەسى 30 مينۋت ىشىندە جاڭارادى.
سالىق جانە الەۋمەتتىك تولەمدەر ءۇشىن «نولدىك» مولشەرلەمەنى پايدالاناتىن شوب-تىڭ 29 ساناتىنىڭ تولىق تىزىمىمەن ۇكىمەتتىڭ «سالىق سالۋ ماسەلەلەرى بويىنشا ەكونوميكانى تۇراقتاندىرۋ جونىندەگى ودان ارعى شارالار تۋرالى» №224 قاۋلىسى ارقىلى تانىسۋعا بولادى.
