«بيىل ءبىزدىڭ كومپانيا كەدەندىك وكىلدەر تىزىلىمىنە ەنگىزىلدى. بۇل ءبىزدىڭ پوچتا-لوگيستيكالىق قىزمەتتى كورسەتۋدىڭ تولىققاندى مودەلىن قۇرۋ جولىنداعى قادامدارىمىزدىڭ ءبىرى جانە ونىڭ مۋلتيپليكاتيۆتىك ناتيجەسى بار. وسىلايشا ءبىز ەلىمىزدىڭ تۇرعىندارى ءۇشىن قىزمەتتەر سپەكترىن كەڭەيتەمىز. جەتكىزۋ مەن ساقتاۋدان باستاپ تاپسىرىستاردى باسقارۋ مەن قوزعالىستى قاداعالاۋعا دەيىن تولىققاندى سەرۆيستىك مودەلدى ۇسىنامىز», دەپ «قازپوشتا» اق لوگيستيكالىق سەرۆيس جونىندەگى باسقارۋشى ديرەكتورى اسقار ابدىكارىموۆ اتاپ ءوتتى.
بۇگىندە حالىقارالىق پوشتا جونەلتىلىمدەرى مەن جۇكتەردى كەدەندىك رەسىمدەۋ بويىنشا قىزمەتتەر نۇر-سۇلتان جانە الماتى قالالارىندا قولجەتىمدى بولماق. بولاشاقتا قىزمەت كورسەتۋ اياسىن كەڭەيتۋ جانە بارلىق وبلىس ورتالىقتارىندا كەدەندىك رەسىمدەۋدى ۇسىنۋ جوسپارلانۋدا.
«كەدەندىك وكىل مارتەبەسى ءبىزدىڭ كليەنتتەرىمىزگە كەدەندىك شەكارا ارقىلى وتكىزىلەتىن حالىقارالىق پوچتا جونەلتىلىمدەرى مەن جۇكتەردى رەسىمدەۋ بويىنشا كەشەندى قىزمەت كورسەتۋگە مۇمكىندىك بەرەدى. ءبىزدىڭ ماماندار ءتيىستى وقۋدان ءوتتى. لوگيستيكالىق پروتسەستەردى وڭتايلاندىرىپ جانە جەدەلدەتىپ, ء بىز قىزمەتتەردىڭ بارلىق سپەكترىن ۇسىنۋ نەگىزىندە وڭىرلىك ساياساتتى دامىتامىز», دەدى ول.
سونداي-اق قازپوشتا ۋاكىلەتتى ەكونوميكالىق وپەراتور مارتەبەسىن الۋ بويىنشا جۇمىس جۇرگىزۋدە, ول ەاەو-عا كىرەتىن مەملەكەتتەردىڭ شەكارالارىن كەسىپ ءوتۋ كەزىندە جۇكتەردى رەسىمدەۋدىڭ وڭتايلاندىرىلعان ءتارتىبىن پايدالانۋعا مۇمكىندىك بەرەدى.
