قارابالاەۆ ايتقازى داۋلەتقۇل ۇلى 1966 جىلى تۋعان, ءبىلىمى جوعارى.
1989 جىلى الماتى قۇرىلىس تەحنيكۋمىن «قۇرىلىس», 1998 جىلى قازاق مەملەكەتتىك باسقارۋ اكادەمياسىن «قارجى جانە نەسيە»,
1999 جىلى تالدىقورعان سىرتقى زاڭ ينستيتۋتىن «قۇقىقتانۋ», م.ح.دۋلاتي اتىنداعى مەملەكەتتىك ۋنيۆەرسيتەتىن 2008 جىلى «قۇرىلىس», 2014 جىلى «قۇقىقتانۋ» (ماگيستراتۋرا) ماماندىقتارى بويىنشا بىتىرگەن.
ەڭبەك جولىن 1989 جىلى الماتى قالاسىنداعى №54 تۇرعىن ءۇي پايدالانۋ باسقارماسىنىڭ ينجەنەر-تەحنيگى بولىپ باستاعان.
1992 جىلى «حاير يحسان» قايىرىمدىلىق قوعامىنىڭ مەڭگەرۋشىسى, ديرەكتور ورىنباسارى, 1993-1999 جىلدارى «تيگرو حاۋد» ساۋدا-وندىرىستىك قاۋىمداستىعى ءبولىمىنىڭ مەڭگەرۋشىسى, ديرەكتور ورىنباسارى, 1999-2000 جىلدارى تاراز قالالىق ساۋدا, شاعىن جانە ورتا بيزنەس باسقارماسىنىڭ باستىعى, 2000-2001 جىلدارى تاراز قالاسى اكىمىنىڭ ورىنباسارى, 2001-2004 جىلدارى جامبىل وبلىستىق جەرگىلىكتى بيۋدجەتتەرگە الىمدار جانە جەكەلەگەن سالىق تولەمدەرىن جيناۋ اگەنتتىگىنىڭ ديرەكتورى, 2004-2005 جىلدارى جامبىل وبلىسى اكىمدىگىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار دەپارتامەنتىنىڭ ديرەكتورى, 2005-2006 جىلدارى جامبىل وبلىسى اكىمى اپپاراتى جەتەكشىسىنىڭ ورىنباسارى, 2006-2008 جىلدارى جۋالى اۋدانىنىڭ اكىمى, 2008-2010 جىلدارى «وڭتۇستىك» اكك» اق ۇك» وكىلدىگىنىڭ جامبىل وبلىسىنداعى ديرەكتورى, 2010-2013 جىلدارى تالاس اۋدانىنىڭ اكىمى, 2016-2019 جىلدارى «قازترانسگاز ايماق» جامبىل وبلىستىق وندىرىستىك فيليالى ديرەكتورىنىڭ كەڭەسشىسى, 2019 جىلدىڭ ءساۋىر-جەلتوقسان ايلارىندا «قازترانسگاز ايماق» تۇركىستان وبلىستىق وندىرىستىك فيليالىنىڭ ديرەكتورى قىزمەتتەرىن اتقارعان.
2019 جىلدىڭ جەلتوقسانىنان باستاپ تاراز قالاسىنىڭ اكىمى لاۋازىمىندا قىزمەت اتقارىپ كەلدى.
