ايتا كەتەيىك, ۇلتتىق قوعامدىق سەنىم كەڭەسىنىڭ V وتىرىسىندا مەملەكەت باسشىسى قاسىم-جومارت توقاەۆ ءبىر ايدىڭ ىشىندە جەر رەفورماسى جونىندەگى كوميسسيانى قۇرىپ, 25 ناۋرىزدا جۇمىسقا كىرىسۋدى, سونداي-اق كوميسسيانىڭ قۇرامىنا اگرارلىق سەكتوردىڭ بەدەلدى وكىلدەرىن جانە جەر ماسەلەسىن جەتىك بىلەتىن ساراپشىلاردى قوسۋدى تاپسىرعان ەدى.
بۇدان بولەك, پرەزيدەنت ۇكىمەتكە بيىل تامىز ايىنىڭ سوڭىنا دەيىن جەر رەفورماسىنىڭ نەگىزگى ماسەلەلەرى بويىنشا ورتاق مامىلمە ارقىلى تۇبەگەيلى بايلام جاساۋدى مىندەتتەدى. ال 23 ناۋرىزدا ۇكىمەت باسشىسى اسقار مامين «جەر رەفورماسى بويىنشا كوميسسيا قۇرۋ تۋرالى» جىلعى «№ 62-ءو» وكىمگە قول قويدى.
جوعارىدا اتالعان وكىمگە سايكەس كوميسسيا توراعاسى بولىپ پرەمەر-ءمينيستردىڭ ورىنباسارى ەرالى توعجانوۆ, ال ونىڭ ورىنباسارى بولىپ اۋىل شارۋاشىلىعى ءمينيسترى ساپارحان وماروۆ بەكىتىلدى.
