نۇر-سۇلتان قالاسى, اقمولا جانە قاراعاندى وبلىستارىنىڭ تجد داعدارىس ورتالىقتارىندا جەدەل شتابتار جۇمىس جاساۋدا.
قازىرگى ۋاقىتتا اۋا رايىنىڭ ناشارلاۋىنا بايلانىستى (بوران, قار, ناشار كورىنۋ) 5 وڭىردە, اتاپ ايتقاندا نۇر-سۇلتان قالاسى, اقمولا, قاراعاندى, شىعىس قازاقستان, پاۆلودار وبلىستارىندا رەسپۋبليكالىق ماڭىزى بار اۆتوجولداردىڭ 16 ۋچاسكەسى جانە وبلىستىق ماڭىزى بار اۆتوجولداردىڭ 37 ۋچاسكەسىندە جول جابىق.
نۇر-سۇلتان قالاسى, اقمولا جانە قاراعاندى وبلىستارىنداعى بەكەتتەردە 232 بىرلىك تەحنيكا, ونىڭ ىشىندە 154 بىرلىك جۇك جانە 78 بىرلىك جەڭىل تەحنيكا تۇر.
تجم اۋماقتىق بولىمشەلەرى وتكەن تاۋلىكتە نۇر-سۇلتان قالاسىندا, اقمولا, الماتى, قاراعاندى, پاۆلودار وبلىستارىندا قار قۇرساۋىنان 724 ادامدى, ونىڭ ىشىندە 111 بالانى قۇتقاردى, 425 بىرلىك تەحنيكانى شىعاردى
اقمولا جانە قاراعاندى وبلىستارىنىڭ جىلىتۋ پۋنكتتەرىنە 463 ادام, ونىڭ ىشىندە 75 بالا ورنالاستىرىلدى.
شۇعىل جۇمىستارعا تجم, ءىىم, جاو جانە جول قىزمەتتەرى بارلىعى 608 ادام جانە 325 بىرلىك تەحنيكا جۇمىلدىرىلدى.
حالىقتى ەسكەرتۋ ماقساتىندا اۋا رايىنىڭ ناشارلاۋى تۋرالى 57 سمس-حابارلاما جىبەرىلدى, "دارمەن" موبيلدىك قوسىمشاسى ارقىلى 53 حابارلاما جىبەرىلدى, حالىق 112 جانە 101 پۋلتتەرىنە كومەك كورسەتۋ جانە اقپارات الۋ ءۇشىن 6886 رەت جۇگىندى.
تجم ازاماتتاردى اۋا-رايىنىڭ وزگەرىستەرىن باقىلاۋعا شاقىرادى. داۋىلدى ەسكەرتۋ تۋرالى حابارلامالاردى تىڭداپ, قاجەتتى ساقتىق شارالارىن ساقتاڭىزدار.
