الماتى قالاسى اكىمىنىڭ ورىنباسارى ەرجان باباقۇماروۆ قالانىڭ باس مەملەكەتتىك سانيتار دارىگەرى, سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى جانداربەك بەكشينمەن بىرگە پتر-زەرتتەۋلەر جۇرگىزىلەتىن زەرتحانالاردىڭ باسشىلارىمەن ونلاين كەڭەس وتكىزدى.
كەڭەس بارىسىندا قالا تۇرعىندارىنىڭ كوروناۆيرۋستىق ينفەكتسياعا پتر-دياگنوستيكاسىن جۇرگىزۋ ماسەلەلەرى قارالىپ, قولدا بار رەزەرۆتەر مەن زەرتتەۋلەر اۋقىمىن ۇلعايتۋ دايىندىعى تۋرالى اقپارات تىڭدالدى.
بۇعان دەيىن قالا تۇرعىندارىنىڭ پتر-تەستەرگە دەگەن سۇرانىسى 4 مىڭدى قۇراسا, ەپيدەميالىق جاعدايدىڭ ۋشىعۋىن ەسكەرە وتىرىپ, جۇرگىزىلەتىن زەرتتەۋلەردىڭ تاۋلىكتىك كولەمى 8 مىڭعا دەيىن كوبەيگەنى اتاپ ءوتىلدى.
ەرجان باباقۇماروۆ قالا زەرتحانالارىنىڭ الدىندا تاياۋ كۇندەرى پتر-تەستىلەۋدى وتكىزۋدىڭ جالپى قۋاتىن تاۋلىگىنە اعىمداعى 14,2 مىڭنان 25 مىڭعا دەيىن ارتتىرۋعا دايىندىعىن قامتاماسىز ەتۋ بويىنشا ءىس-شارالاردى جۇمىلدىرۋ جانە قابىلداۋ مىندەتى تۇرعانىن اتاپ ءوتتى. ول ءۇشىن زەرتحانالىق توپتاردىڭ سانىن ارتتىرۋ, سونداي-اق ەكى اۋىسىمدى رەجيمدى ەنگىزۋ ارقىلى ۇزدىكسىز جۇمىستى قۇرۋ تاپسىرمالارى بەرىلدى. سونداي-اق, قالادا ەپيدەميالىق جاعدايدىڭ ۋشىعۋى جانە قالا اۋماعىندا COVID-19 جاڭا شتاممىنىڭ تارالۋى جالعاسقان جاعدايدا, جۇرگىزىلىپ جاتقان زەرتتەۋلەر كولەمىن ودان ءارى 35 مىڭعا دەيىن ارتتىرۋ مۇمكىندىگىن قاراستىرۋ تاپسىرىلدى.
ءوز كەزەگىندە, قالانىڭ باس مەملەكەتتىك سانيتار دارىگەرى ج. بەكشين زەرتحانا باسشىلىعىنىڭ نازارىن جيناۋ پۋنكتتەرىندە دەزينفەكتسيالىق رەجيمدى قاتاڭ ساقتاۋدى قامتاماسىز ەتۋ قاجەتتىگىنە اۋداردى.
جالپى, بۇگىنگى تاڭدا قالا اۋماعىندا ورنالاسقان زەرتحانالاردا 1,1 ملن تەست جۇرگىزىلگەن, ونىڭ ىشىندە 30 مىڭى وڭ ناتيجە كورسەتكەن.
سوڭعى تاۋلىكتە مەگاپوليستە كۆي جۇقتىرۋدىڭ 410 جاعدايى تىركەلدى. الماتى اكىمدىگى قالا تۇرعىندارى مەن قوناقتارىن كارانتين شارالارىنىڭ - الەۋمەتتىك قاشىقتىقتىڭ, بەتپەردە رەجيمىنىڭ ساقتالۋىن كۇشەيتۋگە, سونداي-اق ادامدار كوپ جينالاتىن ورىندارعا, اسىرەسە, سوزىلمالى اۋرۋلاردان زارداپ شەگەتىن جانە 65 جاستان اسقان تاۋەكەل توبىنداعى ادامدارعا بارۋدان باس تارتۋعا شاقىرادى.
COVID-19-عا زەرتتەۋدى جۇزەگە اسىراتىن پتر زەرتحانالاردىڭ ءتىزىمى:
1. الماتى قالاسى بويىنشا «ۇلتتىق ساراپتاما ورتالىعى» شجق رمك فيليالى, مەدەۋ اۋدانى جىبەك جولى كوشەسى, 3; (nce_almaty@mail.ru), تەل. 3823565;
2. «كدل وليمپ» جشس, المالى اۋدانى, تولە بي كوشەسى, 83, Ofis.almaty@kdlolimp.kz;
3. الماتى ق. «INVITRO» - قوناەۆ ك-ءسى, 32 infokz@invitro.kz, تەل. 2585888;
4. «Alatau Clinic» جشس - تالدى ارال ك-ءسى, 2; alatau clinic@mail.ru, تەل. 3391726;
5. «El Lab PCR» جشس - قارعالى ىقش., كەنەسارى حان كوشەسى, 61ا, El-lab.pcr@mail.ru, تەل. 3646464;
6. «اكۆا لاب» جشس - سەيفۋللين كوشەسى, 287, ەل.پوشتا Overkom911@rambler.ru, تەل. 3467676;
7. «پريۆات كلينيك الماتى» جشس - ميراس كوشەسى, 45, elene-serg@yandex.ru, تەل. 87017837937;
8. «گامما لاب» جشس - حودجانوۆ ك-ءسى, 55ا , info@gammalab.kz, تەل. 3131737;
9. «Innosol» جشس - قازىبەك بي ك-ءسى, 96; ەل.پوشتا a.bolatbekova@innosol.kz;
10. الاتاۋ اۋدانى قبجاا پتر ءبولىمى, تەرەكتى ش.ا, تاشكەنت تراكتى, 541, ەل.پوشتا atakentmodyl20@mail.ru;
11. «نۋر-لاب-2030» جشس - بەسپاقوۆ كوشەسى, 60 ب, ەل.پوشتا Nur.lab@bk.ru, تەل. 87076950244;
12. «مەديتسينا 100+» - ءاشىموۆ ك-ءسى, 1ك, ەل.پوشتا ilab_kz@mail.ru, 8707663387;
13. م. ايقىمباەۆ اتىنداعى اقيۇعو - تۇركسىب اۋدانى, قاپال كوشەسى, 14; ەل.پوشتا nti72@mail.ru , تەل. 2233821;
14. «كاسمەد» جشس - بايقاداموۆ ك-ءسى, 5, ەل.پوشتا ironchess@mail.ru, تەل. 3440303;
15. Medical Partners Korea Qazaqstan - “نۋرلىتاۋ” بو, info@mpk.kz, تەل. 3554100;
16. «بيوتەحنولوگيا ۇلتتىق ورتالىعى» جشس, تۇركسىب اۋدانى قاپال كوشەسى, 14;
17. يممۋنوتەست” جشس - عابدۋللين ك-ءسى, 24, ەل.پوشتا immunotest@mail.ru , تەل. 2922289;
18. SMLAB جشس - شاگابۋتدينوۆ ك-ءسى, 169, ەل.پوشتا Baimoldaeva.zh@sapalab.com;
19. ميپو ەمحاناسى جشس - تورايعىروۆ ك-ءسى, 49/1, mipoclinic@mail.ru, تەل. 3397002.
