مونيتورينگتىك توپ كەلگەن كەزدە مەكەمەدە 150-170-گە جۋىق ادام بولعان. جۇمىس رەجيمىن بۇزۋدان باسقا, ادامداردىڭ جاپپاي جينالۋىنا تىيىم سالۋ, ماسكا رەجيمى, الەۋمەتتىك اراقاشىقتىق سياقتى ەپيدەميولوگيالىق تالاپتاردىڭ ساقتالماۋى تىركەلدى.
ەسكە سالساق, قالادا شەكتەۋ شارالارى كۇشەيتىلگەن. بۇقارالىق ءىس-شارالارعا, سونداي-اق بىرقاتار كاسىپكەرلىك سۋبەكتىلەرىنىڭ, اسىرەسە ويىن-ساۋىق مەكەمەلەرىنىڭ جۇمىسىنا تىيىم سالىنادى. كارانتيندىك ستاندارتتاردىڭ ساقتالۋىن قامتاماسىز ەتۋ ماقساتىندا قالادا 32 مونيتورينگتىك توپ جۇمىس ىستەيدى, ولاردىڭ قۇرامىنا اۋدان اكىمدىگىنىڭ, جەرگىلىكتى پوليتسيا قىزمەتىنىڭ قىزمەتكەرلەرى, سونداي-اق «اتامەكەن» كاسىپكەرلەر پالاتاسىنىڭ وكىلدەرى كىرەدى.
بۇعان دەيىن, اعىمداعى جىلدىڭ 18-21 ناۋرىز ارالىعىندا تۇنگى تەكسەرۋ كەزىندە 1800 نىسان زەرتتەلدى. 205 نىساندا بۇزۋشىلىقتار انىقتالدى. زاڭدى تۇلعالارعا قاتىستى ءتيىستى شارالار قابىلداندى. سونداي-اق, كارانتيندىك شارالاردى بۇزعانى ءۇشىن 321 تۇلعاعا ايىپپۇل سالىندى.
الماتى قالاسىنىڭ اكىمدىگى ازاماتتاردى قىراعىلىققا شاقىرادى. ادامدار كوپ جينالاتىن ورىندارعا بارماي, ەپيدەميولوگيالىق تالاپتاردى ساقتاۋ قاجەت. بۇل شارالار كوروناۆيرۋستىق ينفەكتسيا تىزبەگىن ۇزۋگە باعىتتالعان - كۇندەلىكتى كۆي ينفەكتسياسىنىڭ ءوسۋى 300 جاعدايدان اسادى.
