وبلىس ورتالىعىنىڭ سولتۇستىك-شىعىس اۋدانىندا «نۇرلى جەر» باعدارلاماسى اياسىندا سالىنعان بۇل ءۇي «شاڭىراق» پيلوتتىق جوباسى بويىنشا بەرىلگەن العاشقى عيمارات. تۇرعىن ءۇي كەزەگىندە تۇرعان ازاماتتار «وتباسى بانك» سالىمشىسى رەتىندە جاڭا باسپاناعا قول جەتكىزءىپ وتىر. بۇل باعدارلاما بويىنشا بەرىلىپ وتىرعان العاشقى تۇرعىن ءۇي كەشەنى.
- «شاڭىراق» پيلوتتىق جوباسىنىڭ ەرەكشەلىگى – «وتباسى بانك» سالىمشىسى 10% العاشقى جارنامەن 20 جىلعا 5%-دىق ۇستەماقىمەن ءۇي الا الادى. بۇل باعدارلاماعا قاتىسۋ ءۇشىن مىندەتتى تۇردە ءۇي كەزەگىندە تىركەلۋ كەرەك جانە سوڭعى التى اي ىشىندەگى تابىستى راستاۋدى قاجەت ەتەدى. قازىرگى تاڭدا تۇرعىن ءۇيدىڭ نارىقتاعى باعاسى شارشى مەتر ءۇشىن 175980 تەڭگە, ال پايدالانۋعا بەرىلگەن تۇرعىن ءۇيدىڭ باعاسى شارشى مەتر ءۇشىن 140 مىڭ تەڭگەنى قۇراپ وتىر. بۇل تۇرعىن ءۇي كەزەگىندە تۇرعان جاندار ءۇشىن وتە قولايلى باعدارلاما بولدى دەپ ايتا الامىن. ويتكەنى قازان ايىندا عانا ەنگىزىلگەن باعدارلاما قازىردىڭ وزىندە جۇزەگە اسا باستادى, - دەدى ورال قالاسى بويىنشا تۇرعىن ءۇي جەكەشەلەندىرۋ سەكتورىنىڭ مەڭگەرۋشىسى شايحيەۆ ەرلان.
ءبىر جىلدىڭ ىشىندە پايدالانۋعا بەرىلگەن جاڭا تۇرعىن ءۇيدىڭ جالپى اۋماعى 10221,84 شارشى مەتر. ورال قالاسىنىڭ سولتۇستىك-شىعىس اۋدانى جىلدان-جىلعا كوركەيىپ, قارقىن الىپ كەلەدى. جاڭا الەۋمەتتىك نىساندار كوپتەپ بوي كوتەرۋدە. ءوڭىر باسشىسىنىڭ ايتۋىنشا, بولاشاقتا تاعى دا مەكتەپ پەن بالاباقشالار سالىنباق.
- ۇلىستىڭ ۇلى كۇنى ءاز ناۋرىز مەيرامىمەن قۇتتىقتايمىن. شاڭىراقتارىڭىزعا قۇت پەن بەرەكە تىلەيمىن. مەرەكە قارساڭىندا تۇرعىنداردىڭ قۋانىشىنا ورتاقتاسىپ, «قۇتتى بولسىن» ايتۋعا ارنايى كەلدىك. ءۇيدىڭ ساپاسىنا قاتىستى ايتار ۇسىنىس-پىكىرلەرىڭىزدى تىڭداۋعا ءاردايىم دايىنبىز, - دەدى باتىس قازاقستان وبلىسىنىڭاكىمى عالي ەسقاليەۆ مەيرام الدىندا باسپانالى بولعان تيمۋر بيسەنعاليەۆتىڭ شاڭىراعىنا باس سۇعىپ.
وڭىردەگى ەپيدەميالىق احۋال قىزىل ايماققا ەنۋىنە بايلانىستى جاڭا ءۇيدىڭ كىلتى ادەتتەگىدەي سالتاناتتى جاعدايدا تاپسىرىلماعان ەدى. ءوڭىر باسشىسىن ءوز ۇيىگندە قارسى العان تيمۋر بيسەنعاليەۆ پوليتسيا قىزمەتكەرى ەكەن.ءۇش بالانىڭ اكەسى 2002 جىلدان بەرى پاتەر جالداپ كەلگەن.جاس وتباسى 2008 جىلدان باستاپ ءۇي كەزەگىنە تۇرعان ەكەن. بيىل «شاڭىراق» باعدارلاماسى بويىنشا ەكى بولمەلى پاتەرگە قول جەتكىزىپ وتىر.
ايتا كەتەلىك, بۇگىندە وڭىردە ءار سانات بويىنشا 21 مىڭعا جۋىق ادام تۇرعىن ءۇي كەزەگىندە تۇر.
