«2020 جىلى 16,1 شاقىرىم كونسترۋكتسيالاندى, جوسپار بويىنشا جوندەلگەنى 14,3 كم, بۇل توزعان جەلىلەردى 0,2%-عا تومەندەتۋگە مۇمكىندىك بەردى», دەپ حابارلادى وكق بريفينگىندە الماتىنىڭ ەنەرگوتيىمدىلىك جانە ينفراقۇرىلىمدىق دامۋ باسقارماسى باسشىسىنىڭ ورىنباسارى م.ا. بەرىك جامبىلوۆ.
2021 جىلى ۇزىندىعى 20 شاقىرىم (9 شاقىرىم رەكونسترۋكتسيالاۋ, 11 شاقىرىم جوندەۋ) جىلۋ جەلىلەرىن رەكونسترۋكتسيالاۋ جانە جوندەۋ جوسپارلانۋدا.
«بيىلعى جىلى قازاندىق قۋاتىن جالپى 55 گكال-عا, 135-تەن 190 گكال-عا ۇلعايتا وتىرىپ, «وڭتۇستىك اۋداندىق قازاندىقتى قايتا جاڭارتۋ» وبەكتىسىن اياقتاۋ جوسپارلانۋدا. بۇل قالانىڭ وڭتۇستىك بولىگىندەگى جىلۋ ەنەرگياسىنىڭ تاپشىلىعىن تومەندەتۋگە مۇمكىندىك بەرەدى (260 مىڭ تۇتىنۋشى). سونداي-اق, ناۋرىزباي اۋدانىنداعى «پرەمەرا» متج, «ەلىم اي» متج, «ەليسەيسكيە پوليا» كگ جالپى قۇنى 8,13 ملرد. تەڭگە قازاندىعىن كەڭەيتۋ. جوبانى ىسكە اسىرۋ قوسىلعان كەنتتەردىڭ تۇتىنۋشىلارىنىڭ جۇكتەمەسىن جابۋعا مۇمكىندىك بەرەدى», دەپ حابارلادى بەرىك جامبىلوۆ.
سونىمەن بىرگە, قالانىڭ وڭتۇستىك بولىگىن جىلۋمەن ساپالى قامتۋ ءۇشىن وڭتۇستىك اۋداندىق قازاندىق جاڭارتىلاتىن بولادى.
