قوعامدىق تاماقتانۋ نىساندارىنىڭ قىزمەتى كەشكى ساعات 10-عا دەيىن قىسقاردى. سەنبى جانە جەكسەنبى كۇندەرىنە كەلمەيتىن مەرەكە كۇندەرى بازارلار مەن ساۋدا ورتالىقتارى شتاتتىق رەجيمدە جۇمىس ىستەيتىن بولادى.
«سوڭعى اپتادا, الدىڭعىمەن سالىستىرعاندا, بقو - دا سىرقاتتانۋشىلىق 1,4% - عا ارتقانى بايقالادى. ەڭ وسال توپ بۇرىنعىسىنشا جۇمىس ىستەيتىن حالىق پەن زەينەتكەرلەر. بارلىق انىقتالعان جاعدايلاردىڭ ىشىندە وتباسىندا بۇرىن سىرقاتتانعان ادامدارمەن قارىم – قاتىناس جاساۋ – 33,8%, ادامدار كوپ جينالاتىن ورىندارعا بارۋ (ساۋدا ۇيلەرى, بازارلار, مەديتسينالىق ۇيىمدار) - 27,7%, قوعامدىق كولىكتە ءجۇرۋ – 26,4%, سونداي-اق ەستەلىك ءىس-شارالارعا بارۋ (ەسكە الۋ تۇسكى اسى, مەرەيتويلار, ۇيلەنۋ تويلارى) - 7,9% جۇقتىرۋ كوزدەرى بولىپ تابىلادى. سوڭعى كۇندەرى تاۋلىگىنە سىرقاتتانعاندار سانى ارتىپ, 81 جاعدايعا جەتتى, ناتيجەسىندە بقو تاعى دا "قىزىل" ايماقتا بولدى. وسىعان بايلانىستى دەمالىس كۇندەرى لوكداۋن ەنگىزىلدى», دەپ حابارلادى وبلىستىڭ باس سانيتارلىق دارىگەرى مۇحامەتعالي ارىسپاەۆ.
وقۋشىلارعا كەلەتىن بولساق, ءۇشىنشى توقساندا (11 قاڭتاردان باستاپ) كوروناۆيرۋستى جۇقتىرۋدىڭ 353 جاعدايى تىركەلدى. 4-18 ناۋرىز ارالىعىندا 19 مەكتەپتە 31 سىنىپ كارانتينگە جابىلدى.
«قازىر ءداستۇرلى فورماتتا وقۋشىلار كونتينگەنتى 300 وقۋشىعا دەيىن, سىنىپتارداعى بالالار سانى 15 ادامعا دەيىن قالالىق جانە اۋىلدىق مەكتەپتەردە, سونداي - اق كەزەكشى توپتاردا 1 - دەن 5 - سىنىپقا دەيىن جانە ارالاس (پاندەردىڭ 70% - ى شتاتتىق رەجيمدە, 30% - ى ديستاتسيالىق رەجيمدە) 9, 11-سىنىپتار ءۇشىن اپتانىڭ التى كۇنى بويى وقىتۋعا رۇقسات ەتىلدى. الايدا شەكتەۋ ءىس-شارالارىنىڭ رەجيمى مەن مەرزىمدەرى وبلىس اۋماعىندا كوروناۆيرۋستىق ينفەكتسيانىڭ تارالۋى بويىنشا جاعدايدىڭ وزگەرۋىنە سايكەس قايتا قارالۋى مۇمكىن. 20 ناۋرىزدان 1 ساۋىرگە دەيىن وقۋشىلار دەمالىسقا كەتەتىنى بەلگىلى. ەگەر ءساۋىر ايىندا بقو «سارى» نەمەسە «جاسىل» ايماقتا بولسا, وقىتۋ ادەتتەگى رەجيمدە جالعاسادى. ەگەر جاعىداي قولايسىز بولسا, رەجيمدى كۇشەيتۋگە تۋرا كەلەدى جانە مەكتەپ پروتسەسى قايتادان ونلاين وقىتۋ فورماتىنا اۋىسۋى مۇمكىن», دەپ ءتۇسىندىردى م.ارىسپاەۆ.
بقو دەنساۋلىق ساقتاۋ باسقارماسى باسشىسىنىڭ ورىنباسارى گۇلنار ابدراحمانوۆانىڭ ايتۋىنشا, سوڭعى مالىمەتتەر بويىنشا ينفەكتسيالىق ستاتسيونارلاردىڭ تولتىرىلۋى 46% - دى قۇرايدى. 62 رەانيماتسيالىق توسەكتە 12 پاتسيەنت ەم الادى. نەگىزىنەن بۇل 60-70 جاستان اسقان ازاماتتار.
«بقو-دا ۆاكتسينالاۋ كەستە بويىنشا جالعاسۋدا. وزدەرىڭىز بىلەتىندەي, ءبىرىنشى كەزەكتە ۆاكتسينانى مەديتسينا قىزمەتكەرلەرى, سونداي-اق پەداگوگتار مەن كۇش قۇرىلىمدارىنىڭ قىزمەتكەرلەرى الادى. مىسالى, ءبىرىنشى كومپونەنتتى 660 مۇعالىم ەنگىزدى», دەدى ع.ءابدىراحمانوۆا.
سەق جانە وبلىستىق دەنساۋلىق ساقتاۋ دەپارتامەنتتەرىنىڭ وكىلدەرى حالىقتى بارلىق قاجەتتى قورعاۋ شارالارىن ساقتاۋعا شاقىردى. ولاردىڭ ايتۋىنشا سوڭعى ۋاقىتتا ناۋقاستار اۋرۋدىڭ اۋىر جانە وتە اۋىر تۇرىمەن ينفەكتسيالىق ستاتسيونارلارعا كەلىپ تۇسۋدە. اسىرەسە, ارتەريالىق گيپەرتەنزياسى, قانت ديابەتى, جۇرەكتىڭ يشەميالىق اۋرۋى بار ەگدە جانە كارىلىك جاستاعى ادامداردا اۋرۋ وتە وتكىر.
