باعدارلاما قاتىسۋشىلارى ۇيىمداستىرۋشىدان ايتۆ رنق كونتسەنتراتسياسىن ولشەيتىن ۇلگىلەردى الادى. سودان كەيىن قاتىسۋشىلار ولشەۋ ناتيجەلەرىن جانە دالدىگىن باعالايتىن ۇيىمداستىرۋشى قاۋىمعا جىبەرەدى. ولشەۋ دالدىگى بويىنشا جوعارى كورسەتكىشكە جەتكەن قاتىسۋشىعا CDC «ۇزدىك ورىنداعانى ءۇشىن» (For Outstanding Performance) سەرتيفيكاتى بەرىلەدى. ءوزىنىڭ العاشقى قاتىسۋىنىڭ قورىتىندىسى بويىنشا الماتى قالالىق جيتس ورتالىعى ايتۆ-نىڭ ۆيرۋستىق جۇكتەمەسىنە زەرتتەۋلەردىڭ جوعارى دالدىگىن راستايتىن سەرتيفيكات الدى.
ۆيرۋستىق جۇكتەمە (ۆج) – ايتۆ-مەن ءومىر سۇرەتىن ادامداردى ەمدەۋدەگى ەڭ ماڭىزدى كورسەتكىش. ۆج دەڭگەيى پاتسيەنتتىڭ دەنەسىندەگى ۆيرۋستىڭ بەلسەندىلىگىن كورسەتەدى. قازىرگى انتيرەتروۆيرۋستىق تەراپيا ۆيرۋستىڭ كوبەيۋىن (رەپليكاتسياسىن) تولىعىمەن باسۋعا مۇمكىندىك بەرەدى. الايدا, پاتسيەنت بۇعان تاعايىندالعان ەمدەۋ رەجيمىن ساقتاعان جاعدايدا عانا قول جەتكىزە الادى. انتيرەتروۆيرۋستىق تەراپيانىڭ ساتتىلىگى نەمەسە ساتسىزدىگى لجۆ قانىنداعى ايتۆ رنق كونتسەنتراتسياسىن ولشەيتىن زەرتحانالىق زەرتتەۋلەرمەن انىقتالادى. ساندىق تالداۋ پوليمەرازدى تىزبەكتى رەاكتسيا (پتر) ادىسىمەن جۇرگىزىلەدى. سونىمەن قاتار, پتر زەرتتەۋلەرىنىڭ دالدىگى وتە ماڭىزدى, ويتكەنى الىنعان ناتيجەلەرگە سۇيەنە وتىرىپ, ەمدەۋشى دارىگەر ەمدەۋ رەجيمىن جالعاستىرۋ نەمەسە وزگەرتۋ تۋرالى شەشىم قابىلدايدى.
