قازاقستاننىڭ تۇڭعىش پرەزيدەنتى نۇرسۇلتان نازارباەۆ سەمەيدەگى «اباي ارەنا» ستاديونىن «ەلباسى ارەنا» دەپ اتاۋعا قارسى بولعانى بەلگىلى. ەندىگى ماسەلە – سەمەي قالالىق ءماسليحاتىنىڭ كەزەكتەن تىس بەسىنشى سەسسياسىندا قارالعان قاراعايلى جاڭا ىقشام اۋدانىنداعى داڭعىلعا تۇڭعىش پرەزيدەنتتىڭ ەسىمىن بەرۋ.
داڭعىل قاراعايلى اۋدانىنداعى سەمەي – پاۆلودار تاس جولىنان باستاۋ الادى. سول جاعىندا كوپسالالى مادەني-سپورت كەشەنى, نازارباەۆ زياتكەرلىك مەكتەبى, ال وڭ جاعىندا جاڭادان تۇرعىزىلعان تۇرعىن ۇيلەر مەن بالاباقشا ورنالاسقان.
قالا باسشىلىعىنىڭ ايتۋىنشا, داڭعىلدىڭ بويىندا بولاشاقتا مۇز ايدىنى كەشەنىن, ءبىلىم جانە تەحنولوگيالار ترانسفەرى مەكتەبىن اشۋ جوسپاردا بار. بىرنەشە فۋنكتسيونالدىق ايماقتار, سەرۋەندەۋ ايماقتارى, قوعامدىق تاماقتانۋ جەرلەرى, بالالارعا ارنالعان ويىن جانە سپورت الاڭدارى اشىلۋى مۇمكىن. كوشەلەردى جارىقتاندىرۋ, ورىندىقتار, قوقىس جاشىكتەرىن جانە شاعىن ساۋلەت نىساندارىن ورناتۋ قاراستىرىلعان.
كەزەكتەن تىس سەسسيادا قاراستىرىلعان بارلىق ماسەلە بويىنشا شەشىمدەر ءبىراۋىزدان قابىلداندى. ەندى قاراعايلى كوشەسىنە اتاۋ بەرۋ تۋرالى تۇپكىلىكتى شەشىمدى رەسپۋبليكالىق ونوماستيكالىق كوميسسيا قابىلدايدى.
