ءدال وسى كۇندەرى ەفيرى حابار تەلەارنالارىندا 22 ناۋرىزدا ساعات 23.30-دا جانە Kazakh TV ساعات 18.30 وتەتىن «وپەرا ءتۇنى, نەمەسە ناۋرىز قۇتتى بولسىن» اتتى تاعى ءبىر اۋقىمدى جوبا-كونتسەرتتىڭ ءتۇسىرىلىمى اياقتالدى.
«بۇل جوبا ناۋرىز تۋرالى ءداستۇرلى ۇعىمدى مەرەكە رەتىندە تەك قازاق ۇلتتىق مۋزىكاسىمەن كەڭەيتەدى. الەمدىك كلاسسيكا ءححى عاسىردىڭ ناۋرىزىمەن جاراسىمدى ۇيلەسىم تاپقان, ال نومىرلەردىڭ بىرەگەي جارقىن قويىلىمدارى بۇل جوبانى تانىمال ەسترادالىق شوۋلار سياقتى ويىن-ساۋىققا تولى جانە قىزىقتى ەتەدى. ءبىزدىڭ ماقساتىمىز – كورەرمەننىڭ جوعارى ونەرگە دەگەن تالعامىن ارتتىرىپ, ونى وتاندىق وپەرا جانە بالەت ساحناسىنىڭ ۇزدىك ورىنداۋشىلارىمەن تانىستىرۋ ارقىلى مەرەكەلىك كوڭىل-كۇي قالىپتاستىرۋ», دەيدى حابار اگەنتتىگىنىڭ مۋزىكالىق پروديۋسەرى تاتيانا لاۆريك.
باعدارلامانىڭ جۇرگىزۋشىلەرى اندرەي ترەگۋبەنكو, تولەگەن راحىمباەۆ جانە ولگا سپيرينا تەاتردىڭ كونتسەرتتىك زالىندا عانا ەمەس, سونداي-اق كورەرمەندەر بۇرىن بولماعان: وركەسترلىك شۇڭقىر, گريمەرلىك بولمەلەر مەن نوتالىق كىتاپحانادا بولادى. تۇنگى فويەدە: اتاقتى «گاككۋ» انىمەن كۇلاش بايسەيىتوۆا, فيگارو ارياسىن ورىنداعان ەرمەك سەركەباەۆ جانە نەمورينو وبرازىمەن الىبەك دىنىشەۆ سىندى تانىمال تۇلعالاردىڭ پورترەتتەرى شىرقايدى, ال بۇل مۋزىكالىق ۇزىندىلەردى تەاتر سوليستەرى ساحنادا جالعاستىرادى.
«كەيىپكەرلەر تەاتر قابىرعالارىندا شارل گۋنونىڭ «فاۋست» وپەراسىنان مەفيستوفەل مەن دجواككينو ءروسسينيدىڭ «سەۆيلدىك شاشتارازىنان» فيگارونى كەزدەستىرەدى. وپەرا جانە بالەت گرۋپپاسىنىڭ جەتەكشى سوليستەرى حور ارتىستەرىمەن بىرگە سيمفونيالىق وركەستر اۋەنىمەن ەلىمىزدىڭ باس تەاترىنىڭ ۇلكەن ساحناسىندا ەڭ تانىمال اريالار مەن بالەت نومىرلەرىن ورىندايدى. كونتسەرتتە قازاق جانە شەتەلدىك وپەرا جانە بالەت كلاسسيكاسىنىڭ جارقىن حيتتەرى شىرقالادى. بۇل «قىز جىبەك», «اباي», ء«بىرجان مەن سارا», «سەۆيلدىك شاشتاراز», «ريگولەتتو», «فاۋست», «يولانتا» وپەرالارىنان جانە «دون كيحوت» بالەتىنەن ساحنالانعان كورىنىستەر. مۋزىكالىق نومىرلەر ساحنادا جانە تەاتردىڭ ۇلكەن زالىندا ءتۇسىرىلدى. «لاكمە» وپەراسىنان گۇل دۋەتى اۋەنىمەن ساحنا ۇستىنەن اۋە گيمناستارى قالىقتايدى.
تەاتردىڭ جەتەكشى ارتىستەرىنىڭ قاتىسۋىمەن تۇسىرىلگەن كىشىگىرىم ساحنالاردا ماحاببات تۋرالى, ناۋرىز داستۇرلەرى تۋرالى, ونەر تۋرالى ءازىل-قالجىڭى ارالاس قىزىقتى دۇنيەلەر ايتادى, ولار تەلەكونتسەرتتىڭ سيۋجەتتىك جەلىسىنە ۇيلەسىمدى توقىلعان.
«وپەرا ءتۇنى, نەمەسە ناۋرىز قۇتتى بولسىن» جوباسى ءبىزدىڭ تەاتر ءۇشىن جاڭا دەڭگەي, ول تەاتردى باسقا قىرىنان اشۋعا جانە كورسەتۋگە, سونداي-اق, وسىنداي قيىن ۋاقىتتا سۇيىكتى كورەرمەنمەن بايلانىس ورناتۋعا مۇمكىندىك بەرەدى. حابار تەلەارناسىنا وسى جوبانى جۇزەگە اسىرۋ مۇمكىندىگى ءۇشىن زور العىسىمدى بىلدىرگىم كەلەدى. تەاتر كاسىبي ۇجىمداردان تۇرادى, بۇل وسى جوبانى جوعارى دەڭگەيدە دايىنداۋعا جانە جۇزەگە اسىرۋعا كومەكتەستى», دەيدى اباي اتىنداعى قازۇاوبت ديريجەرى نۇرجان بايبوسىنوۆ.
ء«تۇسىرىلىم كۇندەرى تەاتردا عاجايىپ ءساتتى كۇتەتىن, كەيدە ميستيكالىق اتموسفەرانى قۇرايتىن مەرەكەلىك كوڭىل-كۇيگە ورنادى. وپەرا جانە بالەت تەاترىنىڭ ارتىستەرى «حابار» اگەنتتىگىمەن بىرلەسىپ, قازاقستاندىقتار ءۇشىن ناق وسىنداي كەرەمەت سىيلىق ازىرلەدى. سيمفونيالىق وركەستر, حور, بالەت ارتىستەرى, وپەرا سوليستەرى كورەرمەندەردى اسقاق ونەردىڭ عاجايىپ الەمى – دىبىستار مەن جارىق شەشىمدەرىنىڭ سيقىرلى الەمىنە جەتەلەيدى. سيمفونيالىق وركەستردىڭ سۇيەمەلدەۋىمەن كورەرمەندەر الەمدىك جانە ۇلتتىق وپەرا جانە بالەت كلاسسيكاسىنىڭ ەڭ تانىمال تۋىندىلارىن تىڭداي الادى. مۋزىكا كەز كەلگەن مەرەكەنىڭ جانە ءبارىمىزدىڭ سۇيىكتى ناۋرىزىمىزدىڭ ەڭ تاڭداۋلى اشەكەيى بولماق», دەيدى اباي اتىنداعى قازۇاوبت ديريجەرى ەربولات احمەدياروۆ,
جوبانى قۇرۋ بويىنشا شىعارماشىلىق توپقا لەۆ ماريۋپولسكي (رەجيسسەر), دميتري كارابەتسكي (جارىق سۋرەتشىسى) جانە دميتري سينەلنيكوۆ (دىبىس ينجەنەرى) سياقتى تانىمال ماماندار اتسالىستى. باعدارلاما قويىلىمىنىڭ رەجيسسەرى ناتاليا كاگادي بولدى, تەلەتۇسىرىلىم كەزىندە سيمفونيالىق وركەسترگە نۇرجان بايبوسىنوۆ پەن ەربولات احمەدياروۆ ديريجەرلىك ەتتى.
اباي اتىنداعى قازاق ۇلتتىق اكادەميالىق وپەرا جانە بالەت تەاترى بارلىق قازاقستاندىقتاردى ناۋرىز مەرەكەسىمەن قۇتتىقتاي وتىرىپ, ءار وتباسىنا دەنساۋلىق پەن اماندىق, تابىس پەن بەرەكە تىلەيدى!
