ايماقتار • 19 ناۋرىز، 2021

بەينەۋدىڭ باتەڭكەسى «برەند» بولسا عوي!

1009 رەت كورسەتىلدى

شەتەلدىكتەر ۇلتاراقتاي بولىگىن تابا الماي، قازاق دالاسىنان كەلىپ تيىن-تەبەنگە ساۋدالاپ ءوز ەلدەرىنە قۇمىرسقاشا تاسىپ، كەيىن وزىمىزگە باعاسى اسپانداپ تۇرعان قىمبات تون، اياقكيىم ەتىپ قايتا ساتىپ جۇرگەن مال تەرىلەرىن وڭدەۋ، ونى كەڭ كولەمدە كادەگە جاراتۋ قازاقستاندا شەشىمىن تاپپاعان ماسەلە.

بىراق ەل اراسىندا حال-قادەرىنشە تەرىنى وڭدەپ، حال­قى­نىڭ قاجەتىن وتەۋگە تىرىسىپ جۇرگەن شەبەرلەر بار، ولاردىڭ باستامالارىنا قۋانىپ، ىرزا بولاسىڭ، ءونىمى ەل يگىلىگىنە جاراسىن دەپ تىلەيسىڭ.

ماڭعىستاۋ وبلىسى بەي­نەۋ اۋىلىنىڭ تۇرعىنى عالىم­جان لەپەسوۆ سيىر مەن قوي تەرى­سىن وڭدەپ، دايىن بولعان بىل­عارىدان اياقكيىم تىگەدى. ىسمەر بۇل كاسىپكە بالا كەزدەن ما­شىقتانعان.

العاشىندا تەمىردەن، اعاش­تان ءارتۇرلى پىشىمدەر ازىر­لەي ءجۇرىپ، تۇرمىستىق بۇ­يىمدار، ءۇي جابدىقتارىن جا­ساعان ول بۇگىندە  ەتىك تىگۋ ءىسىن باستادى.

– قازىرگى ۋاقىتتا تەك ەرلەرگە ارنالعان اياقكيىم تىگەمىن. الدىمەن تاپسىرىس بەرۋشىنىڭ ولشەمىن الىپ، دايىن بولۋ ۋاقىتىن كەلىسىپ الامىن. كەيىن كەرەكتى ماتەريالداردى دايىن­داپ، اياقكيىم جاساۋعا كىرى­سەمىن. شاعىن عانا تسەحىمدا ارنايى قۇرىلعىلارىم بار. تۇتىنۋشىنىڭ كوڭىلىنەن شى­عىپ، ويىنداعىداي ەتىپ جا­ساۋعا بار كۇشىمدى سالامىن. الداعى ۋاقىتتا شاعىن تسەحتى كاسىپكەرلىكتى قولدايتىن مەم­لەكەتتىك باعدارلامالار ار­قىلى ودان ءارى دامىتىپ كەڭەيتۋ جوسپاردا بار، دەيدى عالىمجان لەپەسوۆ.

تەرىنى وڭدەۋ – شەبەرلىكتى قاجەتى ەتەتىن ءوز الدىنا ۇلكەن ونەر، ال وڭدەلگەن تەرىدەن اياق­كيىم تىگىپ شىعارۋ حاس شەبەردىڭ قولىنان كەلەتىن تىرلىك. قيىن جۇمىستى قولىنا العان جاس جىگىتكە ساتتىلىك تىلەيمىز. «بۇلاق كورسەڭ، كوزىن اش» دەگەندەي، قۇزىرلى ورىندار شەبەردىڭ الدىنا قويعان ماقساتىنا ساي مەملەكەتتىك باعدارلامالارعا ىلىگىپ نەسيە الۋىنا، وزگە دە قاجەتتى قولداۋلاردى كورسەتسە بەينەۋدىڭ باتەڭكەلەرى برەندكە اينالىپ كەتەر ناعىز وتاندىق ءونىم، ناعىز بىلعارى!

 

ماڭعىستاۋ وبلىسى

 

سوڭعى جاڭالىقتار

مەرەكە قارساڭىندا ماراپاتتالدى

ايماقتار • بۇگىن، 13:58

6 مامىرعا ارنالعان ۆاليۋتا باعامى

ەكونوميكا • بۇگىن، 11:16

«چەلسي» فينالعا شىقتى

سپورت • بۇگىن، 10:48

ۇقساس جاڭالىقتار