كوروناۆيرۋستىق ينفەكتسيانىڭ تارالۋىنا بايلانىستى قارسى كۇرەس بويىنشا مىندەتتەردى ورىنداۋ ءۇشىن قالا اكىمدىگى مەن قوعامدىق دەنساۋلىق باسقارماسى داعدارىسقا قارسى بۇرىن-سوڭدى بولماعان ءىس-شارالار قابىلداعانى تاعى ايان. مەديتسينالىق ۇيىمداردىڭ ماتەريالدىق-تەحنيكالىق جابدىقتالۋىن جاقسارتۋ ءۇشىن 2020 جىلى جەرگىلىكتى بيۋدجەتتەن 43,1 ملرد. تەڭگە ءبولىندى.
كۆي پاندەمياسىنا قارسى كۇرەستە داعدارىسقا قارسى شارالاردى جۇزەگە اسىرۋ ماقساتىندا الماتى قالاسىنىڭ اكىمدىگى مەن قوعامدىق دەنساۋلىق باسقارماسى 11 000-نان استام زاماناۋي مەديتسينالىق قۇرال-جابدىق ساتىپ الدى. قالاداعى بارلىق جۇقپالى اۋرۋلار ستاتسيونارلارىنىڭ رەانيماتسيا جانە قارقىندى تەراپيا بولىمشەلەرى تولىق جابدىقتالدى.
ءوجج اپپاراتتارى, HiFLO جوعارى اعىندى وتتەگى تەراپيا اپپاراتتارى, وتتەگى كونتسەنتراتورلارى ساتىپ الىندى, كۆي-مەن اۋىراتىن ناۋقاستار ءۇشىن جەكە وپەراتسيالىق بلوكتار اشىلدى.
بمسك دەڭگەيىندە 298 ءموبيلدى بريگادا قۇرىلىپ, 948 قىزمەتكەر جۇمىس ىستەيدى.
بمسك ماقساتى – پاتسيەنتتەردى امبۋلاتوريالىق دەڭگەيدە مونيتورينگتەۋ, دياگنوستيكالاۋ جانە ەمدەۋ.
كۆي مەن پنەۆمونيادان بولاتىن ءولىم-ءجىتىمدى ازايتۋ جانە رەانيماتسيالىق پاتسيەنتتەردى ەمدەۋ تيىمدىلىگىن ارتتىرۋ ءۇشىن الماتىدا انەستەزيولوگيا جانە رەانيماتسيا ءموبيلدى ورتالىعى قۇرىلدى. جۇقپالى اۋرۋلار اۋرۋحانالار دەڭگەيىندە تۇراقتى تۇردە جاعدايى اۋىر دارەجەدەگى ناۋقاستاردىڭ جاي-كۇيىنە مونيتورينگ جانە ءولىم-ءجىتىم جاعدايىنا بايلانىستى تالداۋ جۇرگىزىلەدى. جۇرگىزىلگەن جۇمىس ناتيجەسىندە ءولىم-ءجىتىم كورسەتكىشى 2,5 ەسەگە تومەندەدى.
امبۋلاتوريالىق ناۋقاستاردىڭ جاعدايىن, سونداي-اق پاتسيەنتتەردىڭ كارانتيندىك رەجيمدى ساقتاۋىن باقىلاۋ ءۇشىن قىركۇيەك ايىندا تەلەمەديتسينا ورتالىعى قۇرىلدى. تەلەمەديتسينا ورتالىعى تاۋلىك بويى جۇمىس ىستەيدى, 2020 جىلى قاراشا ايىنان 2021 جىلعى ناۋرىز ايىنا دەيىن 17 000-نان استام كىرىس قوڭىراۋى جانە 98 000-نان استام شىعىس قوڭىراۋلارى قابىلداندى.
جەدەل مەديتسينالىق جاردەم قىزمەتىندە ديسپەتچەرلىك قىزمەت كۇشەيتىلىپ, زاماناۋي رەانيماتسيالىق جابدىقتارمەن جاراقتاندىرىلعان 135 ارنايى قىزمەت ماشيناسى ساتىپ الىندى. وسىلايشا, الماتىداعى جمجق اۆتوپاركى 80%-عا جاڭارتىلدى جانە قازىرگى ۋاقىتتا قالا تۇرعىندارىنىڭ ءومىرىن ساقتاپ قالۋ ءۇشىن ەڭ وزىق تەحنيكاعا يە.
دياگنوستيكالىق بولىمشەلەر مەن زەرتحانالاردا قامتاماسىز ەتىلدى. الماتى قالاسى قوعامدىق دەنساۋلىق باسقارماسىنىڭ مەديتسينالىق ۇيىمدارىنا رەنتگەن اپپاراتتارى, كومپيۋتەرلىك جانە ماگنيتتى-رەزونانستى توموگرافتار, ستاتسيونارلىق جانە جىلجىمالى ۋدز اپپاراتتارى, ەلەكتروكارديوگرافتار, كوپتەگەن زەرتحانالىق جابدىقتاردىڭ جەتكىزىلدى.
COVID-19 ۆيرۋسىن انىقتاۋعا پتر-تەستىنىڭ دياگنوستيكاسى ءۇشىن بالالار جۇقپالى اۋرۋلار اۋرۋحاناسىنىڭ بازاسىندا مودۋلدىك زەرتحانا اشىلدى. تاۋلىگىنە 5000-عا دەيىن پتر-تەست تەكسەرىلەدى. زەرتحانا تاۋلىك بويى جۇمىس ىستەيدى.
COVID-19 ۆيرۋسىمەن جانە پاندەميا كەزەڭىندە 5000-نان استام مەديتسينا قىزمەتكەرى جۇمىلدىرىلدى.
ينفەكتسيالىق ستاتسيونارلاردا كادر رەزەرۆى قالىپتاستىرىلدى, وندا 2500-دەن استام مەديتسينا قىزمەتكەرى, ونىڭ ىشىندە 375 دارىگەر, 1 582 ورتا مەديتسينالىق پەرسونال, 452 كىشى مەديتسينالىق پەرسونالى مەن ەرىكتىلەر. بۇگىنگى تاڭدا قالانىڭ بارلىق ستاتسيونارلارى بىلىكتى ماماندارمەن تولىق قامتاماسىز ەتىلدى.
كوروناۆيرۋستىق پاندەميا باستالعاننان بەرى الماتى قالاسى قوعامدىق دەنساۋلىق ساقتاۋ باسقارماسى COVID-19 ۆيرۋسىن جۇقتىرعان ناۋقاستاردى ەمدەپ, «قاۋىپتى ايماقتا» جۇمىس ىستەگەن مەديتسينالىق ۇيىمدارىنىڭ قىزمەتكەرلەرىنە جالاقىعا ۇستەمەاقى تولەندى. 2020 جىلدىڭ 10 ايى ءۇشىن ۇستەمەاقى تولەۋدىڭ جالپى سوماسى 16,7 ملرد. تەڭگەدەن استام سوماعا جۇزەگە اسىرىلدى.
CوVID-19 پاندەمياسى باستالعاننان ءبىر جىل وتكەن سوڭ الماتى قالاسى قوعامدىق دەنساۋلىق باسقارماسىنىڭ مەديتسينالىق ۇيىمدارىندا كۆي عانا ەمەس, باسقا دا اۋرۋلارى بار پاتسيەنتتەردى ەمدەۋگە ارنالعان ستاتسيونارلار, توسەك ورىندارى, ماماندار جانە جابدىقتار جەتكىلىكتى.
الماتى قالاسى قوعامدىق دەنساۋلىق باسقارماسىنىڭ ءباسپاسوز قىزمەتى تۇراقتى تۇردە وڭىرلىك كوممۋنيكاتسيا قىزمەتىمەن بىرگە مەديتسينا قىزمەتكەرلەرىمەن بريفينگتەر وتكىزۋ, باق-تا جاريالاۋ ءۇشىن بەينەتۇسىرىلىمدەر مەن سۇحباتتاردى ۇيىمداستىرۋ, باسقارما ماماندارىن كۆي-مەن كۇرەسۋ جۇمىستارى مەن ادىستەرىن تۇسىندىرەتىن سپيكەرلەر دايىنداۋ جانە ۇيىمداستىرۋ جۇمىستارى جۇرگىزىلدى. كوروناۆيرۋستىق ينفەكتسيانىڭ تارالۋىنا قارسى كۇرەس شەڭبەرىندە الماتى قالاسىنىڭ دارىگەرلەرى ۇنەمى اقپاراتتىق جۇمىستار جۇرگىزىپ, ازاماتتاردى COVID-19 ۆيرۋسىنان قورعانۋ ءۇشىن كارانتيندىك ەرەجەلەردى ساقتاۋعا شاقىرادى.
ۆيرۋستىق ينفەكتسيا بەلگىلەرى پايدا بولعان جاعدايدا شۇعىل تۇردە مەديتسينا مامانىنىڭ كومەگىنە جۇگىنىڭىز.
