«بىزدەگى اكەلەر «باقىتتى وتباسى» ورتالىعىنا ءجيى كەلەدى. ولار جۇمىس ىزدەيدى, مىسالى, ماسساج جاساۋ, زاڭگەر كۋرستارىنا قاتىسادى, بالالارىن پسيحولوگقا اپارادى. «باستاۋ بيزنەس», «قولداۋ» كۋرستارىنان ءدارىس الادى. «باقىتتى وتباسى» ورتالىعىندا بيىل ەر-ازاماتتار ءۇشىن باربەرشوپ كۋرسى وتۋدە», دەدى «باقىتتى وتباسى» قالالىق ورتالىعىنىڭ جەتەكشىسى ءزۇلفيا بايساقوۆا.
«ەگەر پايىزدىق اراقاتىناستا ايتار بولساق, 10 ايەلگە 1 ەر ادامنان كەلەدى ەكەن», دەيدى «باقىتتى وتباسى» قالالىق ورتالىعىنىڭ باسشىسى ءزۇلفيا بايساقوۆا.
ء«بىز بۇل جىلدى جاقسى باستادىق, مىسالى شاشتاراز بولۋعا سۇرانىس كوپ, 10 ادامنان تۇراتىن توپتاردى تەز جينادىق», دەدى ول.
قالالىق «باقىتتى وتباسى» ورتالىعىنىڭ جەتەكشىسى كۋرسقا قاتىسۋشىلار ونى بىتىرگەن سوڭ العان بىلىمدەرىن قوسىمشا تابىس تابۋ ءۇشىن پايدالاناتىنىن ءتۇسىندىردى.
ەسكە سالساق, الماتىدا كوپبالالى جانە از قامتىلعان وتباسىلارعا جان-جاقتى كومەك كورسەتۋ ماقساتىندا قوماقتى شارالار جۇزەگە استى. قالانىڭ ءار اۋدانىندا ء«بىر تەرەزە» قاعيداتى بويىنشا «باقىتتى وتباسى» ورتالىقتارى جۇمىس ىستەيدى. بۇگىنگى تاڭدا قالادا 9 ورتالىق جۇمىس ىستەيدى.
«بۇگىنگى تاڭدا بۇل الەۋمەتتىك قولداۋدىڭ قۇقىقتىق, پسيحولوگيالىق كەڭەس بەرۋ عانا ەمەس, ماسەلەلەردى شەشۋدىڭ تۇتاس كەشەنىن ۇسىنا وتىرىپ, وتباسىن جۇرگىزۋ. اتاپ ايتقاندا, تۇرعىن ۇيگە كەزەككە تۇرۋعا كومەك كورسەتۋ, ااك الۋ, ءوز بالالارىنىڭ دەنساۋلىق جاعدايىن قاراۋ مۇمكىندىگى جانە ت.ب.
مۇنداي كەشەندى ءتاسىل وتباسى پروبلەمالارىن تولىق شەشۋگە جانە ءبىزدىڭ مامانداردىڭ كەڭەسى ارقىلى قيىن ومىرلىك جاعدايلاردان قالاي شىعۋ كەرەكتىگىن كورسەتىپ, گرانتتار كومەگىمەن بيزنەستى دامىتۋ, جەكە كاسىپكەرلىك نىسانىندا بيزنەس اشۋ, ءىشىنارا جۇمىسپەن ۇيدە جۇمىس ىستەۋ مۇمكىندىگى تۋرالى كونسۋلتاتسيالارى ارقىلى كومەك كورسەتۋگە مۇمكىندىك بەرەدى.
ەڭ باستىسى, بۇل ورتالىقتار بۇگىنگى تاڭدا ءىس جۇزىندە كومەك كورسەتە وتىرىپ, شاعىن اۋدانداردىڭ تۇرعىندارى كەلىپ, ماسەلەلەرى شەشىلەتىن ورتالىقتارعا اينالدى», دەپ تولىقتىردى ءزۇلفيا بايساقوۆا.
