وتىرىسقا قر پارلامەنتى ءماجىلىسىنىڭ دەپۋتاتى بەرىك ابدىعالي ۇلى, قازاقستاننىڭ ەڭبەك سىڭىرگەن قايراتكەرى داۋلەتكەرەي كاپ ۇلى, قولدانبالى ەتنوساياسي زەرتتەۋلەر ينستيتۋتىنىڭ ديرەكتورى تالعات قاليەۆ, «Nur Otan» پارتياسى قوعامدىق ساياسات ينستيتۋتىنىڭ ديرەكتورى ءمادينا نۇرعاليەۆا جانە باسقا دا عىلىمي جانە شىعارماشىلىق زيالى قاۋىمنىڭ, مەملەكەتتىك ورگانداردىڭ كورنەكتى وكىلدەرى, ۇەۇ باسشىلارى مەن ساراپشىلار قاتىستى.
مينيستر ايدا بالاەۆا بارلىق شارا قاتىسۋشىلارىن الداعى ناۋرىز مەرەكەسىمەن قۇتتىقتاپ, «تاۋەلسىزدىك بارىنەن قىمبات» ماقالاسىندا قر پرەزيدەنتى قاسىم-جومارت توقاەۆ ۇلتتىق بىرەگەيلىكتىڭ نەگىزىن قۇرايتىن مادەنيەت پەن داستۇرلەردى ساقتاۋ قاجەتتىلىگى تۋرالى ايتقانىن ەسكە سالدى. وسىلايشا, مينيستر پرەزيدەنتتىڭ تاپسىرماسى بويىنشا ناۋرىز مەيرامىن مەرەكەلەۋ تۇجىرىمداماسىنىڭ جوباسى دايىندالعانىن, وعان سايكەس مەرەكەنىڭ رۋحاني-ادامگەرشىلىك مازمۇنىن دامىتۋعا باعىتتالعان كەشەندى ءىس-شارالاردى ىسكە اسىرۋ جوسپارلانعانىن ايتتى.
سونداي-اق, ايدا بالاەۆا بۇل شارالار ەلباسى – قر تۇڭعىش پرەزيدەنتى نۇرسۇلتان نازارباەۆ يدەيالىق باستاماشىسى بولىپ تابىلاتىن «رۋحاني جاڭعىرۋ» باعدارلاماسىنىڭ ءبىر بولىگى بولىپ تابىلاتىنىن اتاپ ءوتتى.
دوڭگەلەك ۇستەل قاتىسۋشىلارى بەرىك ابدىعالي ۇلى, تالعات قاليەۆ, داۋلەتكەرەي قاپ ۇلى, ءمادينا نۇرعاليەۆا, جانار بۇقانوۆا, وتە دارحان, ماقسۇتبەك ايتماعانبەت جانە باسقا دا ساراپشىلار رۋحاني دامۋ جانە ۇلتتىق داستۇرلەردى ساقتاۋ ماسەلەلەرى بويىنشا ءوز ۇسىنىس-پىكىرلەرىمەن ءبولىستى.
ءىس-شارا سوڭىندا, ايتىلعان ۇسىنىستاردى قورىتىندىلاي كەلە, ايدا بالاەۆا ءبىلىم بەرۋ, بالا تاربيەسى جانە وتباسى ينستيتۋتىن نىعايتۋ ماسەلەلەرىنىڭ وزەكتىلىگىن ايرىقشا اتاپ ءوتتى.
مينيستر بۇگىنگى كۇنگى بالا تاربيەسىنە, ولاردىڭ وي قالىپتاستىرۋىنا – ۆيرتۋالدى الەمنىڭ, باقىلاۋدان تىس ينتەرنەتتىڭ ىقپالى وتە زور ەكەنىن ايتتى.
وسىعان بايلانىستى, ول مينيسترلىك «اقىلدى ۇرپاق», سونداي-اق باسەكەگە قابىلەتتى, جان-جاقتى دامىعان جاس ۇرپاقتى تاربيەلەۋگە باعىتتالعان "Ulttyq tarbie" جوبالارىن ىسكە اسىراتىنىن حابارلادى.
دوڭگەلەك ۇستەلگە قاتىسۋشىلاردىڭ بارلىق ۇسىنىستارى مەن ەسكەرتۋلەرى جيناقتالىپ, «رۋحاني جاڭعىرۋ» ورتالىعىنىڭ الداعى جۇمىسىندا ەسكەرىلەتىن بولادى.
