ماماندار پايدالى اقپاراتپەن بولىسە وتىرىپ, ءسابي كۇتىپ جۇرگەن كەلىنشەكتەرگە كەڭەس بەرەدى.
كىرىسىنەن ايىرىلۋ جاعدايىنداعى تولەنەتىن الەۋمەتتىك تولەم بولاشاق انانىڭ جۇمىسقا جارامسىز كۇندەرىن, ورتاشا ايلىق كىرىسىن جانە زەينەتاقى تولەمىنىڭ ءتيىستى كولەمىن الا وتىرىپ ەسەپتەلەدى.
بۇل تولەمدى راسىمدەۋگە حقو-عا كەلەسى قۇجاتتار قاجەت:
- جەكە باسىن كۋالاندىراتىن قۇجات;
- بانك شوتى جايلى مالىمەت;
- جۇمىسقا جارامسىزدىق پاراعى;
- ەگەر بولاشاق انا جەكە كاسىپكەر بولسا, كاسىپتىڭ مەملەكەتىك تىركەۋى تۋرالى كۋالىكتىڭ كوشىرمەسى.
«قۇجاتتاردى تىركەلگەن مەكەنجايىنا قاراستى حقو-عا, ەڭبەككە جارامسىزدىق پاراعىن العان ساتتەن باستاپ 1 جىل ىشىندە وتكىزۋگە بولادى. قۇجاتتار تولىق تاپسىرىلعان سوڭ 8 جۇمىس كۇنى ىشىندە تولەمدەردىڭ تاعايىندالعانى جايلى SMS-حابارلاما كەلەدى», دەيدى «ازاماتتارعا ارنالعان ۇكىمەت» مەملەكەتتىك كورپوراتسياسى الماتى قالاسى فيليالىنىڭ ءباسپاسوز قىزمەتىنىڭ باسشىسى جاڭىل اپەتوۆا.
