كۇرەسىننەن كوز اشپاي تۇر

جاس جىگىت تۇك بولماعانداي, پلاس­تيكالىق ستاكان, پاكەت سياقتى باسقا دا ۇساق-تۇيەك قالدىقتاردى جەرگە, كەيدە ءتىپتى ءوتىپ بارا جات­قان ادامداردىڭ الدىنا لاق­تىرىپ وتىردى. وكىنىشكە قاراي, كوز الدارىندا پايدا بولعان قو­قىستاردى قالالىقتاردىڭ كوبى بايقامادى, ءتىپتى بۇل كورىنىسكە بەي-جاي قاراعان. جىبەك جولى داڭ­عىلىندا «بۇزاقىلىق ويى­نىنىڭ» 2 ساعات ىشىندە ءوتىپ بارا جاتقان ادام­داردىڭ تەك تورتەۋى عانا نەمە­سە قوقىس جاشىگىنە قال­دىق­تاردى لاقتىرۋ ارەكەتىن جاسادى.

ء«بىز تازا قالادا ءومىر سۇ­رۋ­گە جانە راحاتتانۋعا دەگەن قا­­لا­ۋىمىزدى ءجيى ايتامىز,  كوم­مۋ­نالدىق قىزمەتتەردىڭ ءتيىس­تى جۇمىسىن تالاپ ەتەمىز. وكى­نىش­كە قاراي, ءبىز قوقىستى رۇقسات بەرىل­مەگەن جەرگە تاستاۋعا اسى­عىپ, ءوزىمىزدى قورشاعان ورتانى لاس­تايتىنىمىزدى مويىنداماي­مىز. ءبىزدىڭ StopMusor جوباسى اياسىنداعى الماتىداعى الەۋ­مەتتىك ەكسپەريمەنتىمىز وسى­نىڭ ايقىن مىسالى. جي­نالاتىن جەر­­دە ەمەس, قوقىس تاستامايتىن جەردە تازا بولاتىنىن ءار­دايىم ەستە ۇستاعان ءجون», دەيدى «قازاق­ستاننىڭ ەكو­لوگيالىق ۇيىم­­د­ارى قاۋىمداستىعى» زتب باس­قارما تور­اعاسى ايگۇل سولوۆەۆا.

ەلەكتروندىق ۇكىمەت پور­تالىنىڭ مالىمەتتەرى بويىن­شا, قازاقستاندا جىلىنا 4,5-5 ملن توننا قاتتى تۇرمىستىق قال­دىقتار پايدا بولادى. 2020 جىلعى قايتا وڭدەلگەن جانە ور­نالاستىرىلعان قاتتى تۇرمىستىق قالدىقتاردىڭ ۇلەسى 18,3% قۇ­رادى. الماتىدا تەك وتكەن جى­لى عانا 24 اپاتتى قوقىس ورنى انىقتالىپ جويىلدى, ال الما­تىلىقتاردىڭ قوقىستارى ال­ماتى وبلىسىنداعى قتق (قاتتى تۇرمىستىق قالدىقتار) پوليگونىنا شىعارىلادى.

الماتى