«وكم وپەراتورى» ەكى شاھارعا دا زاماناۋي قوقىس سۇرىپتاۋ جەلىسىن ساتىپ الۋدى قارجىلاندىرىپ وتىر. وسى جوبانى جۇزەگە اسىرۋعا بارلىعى 3,7 ملرد تەڭگە قاراجات بولىنگەن.
ايماقتا قاتتى تۇرمىستىق قالدىقتى بولەك جيناۋ ءۇش فراكتسيا بويىنشا جۇزەگە اسىرىلماق. ياعني قالدىق ۇشكە ءبولىنىپ تاستالادى. ماسەلەن, «جەڭىل» – قايتا وڭدەلەتىن قايتالاما شيكىزات (پلاستيك, قاعاز, مەتالل), «اۋىر» – بۇعان شىنى قالدىعى جاتادى. ءۇشىنشى «دىمقىل» – وعان قايتا وڭدەۋگە كەلمەيتىن قالدىقتار (تاماق قالدىقتارى جانە تاعى باسقالار) تاستالادى.
– وكم وپەراتورى شىعىس قازاقستاننىڭ ەكى قالاسى ءۇشىن 12 بىرلىك ارنايى تەحنيكا ساتىپ الدى. ونىڭ ىشىندە شىنى كونتەينەرلەرىنە قىزمەت كورسەتۋگە ارنالعان كران-مانيپۋلياتور قوندىرعىسى ورناتىلعان 4 قوقىس تاسىعىش كولىگى بار, – دەدى «وكم وپەراتورى» جشس توراعاسى مەدەت قۇمارعاليەۆ.
ايتا كەتەيىك, وسكەمەن مەن سەمەي قالاسىندا تۇرمىستىق قالدىقتى سۇرىپتاپ جيناۋ ينفراقۇرىلىمىن ۇيىمداستىرۋ جونىندەگى جوبانىڭ باستى شاراسى – اعىمداعى جىلدىڭ قىركۇيەك ايىندا وندىرىستىك قۋاتى جىلىنا 200 مىڭ توننا تۇرمىستىق قالدىقتى سۇرىپتايتىن اۆتوماتتى جەلىنى سالۋ جانە ىسكە قوسۋ بولماق.
اتالعان كەشەندى جۇمىس وڭىردەگى قالدىقتاردى قايتا وڭدەۋ كولەمىن ۇلعايتۋعا, تۇرمىستىق قالدىقتى بولەك جيناۋ ينفراقۇرىلىمىن دامىتۋعا, سونداي-اق جاڭا جۇمىس ورىندارىنىڭ اشىلۋىنا مۇمكىندىك بەرەدى.
