وڭتۇستىك-شىعىس ازيانىڭ باسقا ەلدەرى سەكىلدى ۆەتنام دا كوروناۆيرۋسقا قارسى ەگىلگەن تۋريستەر مەن پتر-تەستى تەرىس تۋريستەردى قابىلداۋ پروتسەدۋراسى تۋرالى ويلانىپ جاتىر. ەگەر ۇكىمەت ماقۇلداسا, وندا بۇل ەرەجە 2021 جىلدىڭ ءۇشىنشى توقسانىندا باستالۋى مۇمكىن.
ۆەتنام تۋريستىك قاۋىمداستىعىنىڭ توراعاسى نگۋەن حۋ تحو (Nguyễn huu Th th) ايتۋىنشا, ەل شىلدەدەن باستاپ شەتەلدىك ساياحاتشىلاردىڭ كەلۋىنە دايىندالۋى كەرەك.
شەكارادان ءوتۋدى جەڭىلدەتۋدى قالايتىندار ۆاكتسيناتسيا پاسپورتىن تىركەۋدى جاقىن ارادا باستاعان دۇرىس دەيدى, ويتكەنى بىرقاتار ەلدە ۆاكتسيناتسيالانعان ازاماتتار كوبەيىپ جاتىر.
ەلدىڭ دەنساۋلىق ساقتاۋ مينيسترلىگى ۆاكتسينا العان ادامدار ءۇشىن دە 14 كۇندىك كارانتين قاجەت دەپ ەسەپتەيدى. بىراق تۋريستىك بيزنەس پەن تۋريستىك ۇيىمدار مۇنداي شەشىمگە نارازىلىق بىلدىرۋدە, ويتكەنى بۇل ءتۋريزمدى شەكتەپ وتىر.
سونداي-اق ۆەتنامدا قىتاي, سينگاپۋر, وڭتۇستىك كورەيا جانە تايلاند سياقتى ازداعان ەلدەن ۆاكتسيناتسيالانعان تۋريستەر ءۇشىن جاسىل دالىزدەردى اشۋ مۇمكىندىگىن تالقىلانىپ جاتىر.
