بيىل 16 ناۋرىزدا قر اۋىل شارۋاشىلىعى مينيسترلىگىنىڭ اتىنا ۆەتەرينارلىق جانە فيتوسانيتارلىق قاداعالاۋ جونىندەگى فەدەرالدىق قىزمەتتىڭ (روسسەلحوزنادزور) اقتوبە وبلىسىنىڭ فيتوسانيتارلىق سەرتيفيكاتىمەن رەسەي فەدەراتسياسىنىڭ اۋماعىنا سانكتسيالىق ءونىم جەتكىزۋ دەرەگىن انىقتاۋ تۋرالى حات كەلىپ ءتۇستى.
وسىعان بايلانىستى قر اۋىل شارۋاشىلىعى مينيسترلىگىنىڭ اگروونەركاسىپتىك كەشەندەگى مەملەكەتتىك ينسپەكتسيا كوميتەتى اقتوبە وبلىسىنداعى اۋماقتىق ينسپەكتسياعا حات جولداپ, ولاردىڭ 2 ناۋرىزدا رەسەي فەدەراتسياسىنىڭ «رۋسەۆروپلانت» اق-نا جىبەرۋ ءۇشىن «Kazeuroplant LLP» جشس-نە 60 توننا كارتوپتىڭ فيتوسانيتاريالىق سەرتيفيكاتىن بەرگەنىن انىقتادى.
ايتا كەتۋ كەرەك, مۇنداي قۇجاتتى رەسىمدەگەندە ونىڭ ەەك كەڭەستىڭ 2016 جىلعى 30 قاراشاداعى №159 شەشىمىمەن بەكىتىلگەن كەدەن وداعى كوميسسياسىنىڭ № 318 شەشىمىنە جانە ەاەو كەدەندىك اۋماعىندا وسىمدىكتەر كارانتينىن قامتاماسىز ەتۋدىڭ بىرىڭعاي قاعيدالارى مەن نورمالارىنىڭ تالاپتارىنا سايكەستىگى قاتاڭ قاداعالانادى.
قازىرگى ۋاقىتتا قر اۋىل شارۋاشىلىعى مينيسترلىگىنىڭ اگروونەركاسىپتىك كەشەندەگى مەملەكەتتىك ينسپەكتسيا كوميتەتى اتالمىش دەرەكتى تەكسەرۋ جۇمىستارىن جالعاستىرۋدا. ونىڭ ناتيجەسى قوسىمشا جاريالاناتىن بولادى.
