اتىراۋ وبلىسى بويىنشا مەملەكەتتىك كىرىستەر دەپارتامەنتى باسشىسىنىڭ ورىنباسارى بەكەن شاناەۆ ءمالىم ەتتى.
«جەرگىلىكتى بيۋدجەتكە كىرىس بولجامى بىلتىر 350,4 ملرد تەڭگە كولەمىندە جوسپارلاعان ەدى. وتكەن جىلدىڭ قورىتىندىسىمەن بيۋدجەتكە 371,1 ملرد تەڭگە كولەمىندە ناقتى تولەم ءتۇستى. بيۋدجەتتىڭ كىرىس بولجامى 20,7 ملرد تەڭگەگە ارتىعىمەن ورىندالدى», دەيدى وبلىستىق مەملەكەتتىك كىرىستەر دەپارتامەنتى باسشىسىنىڭ ورىنباسارى بەكەن شاناەۆ.
ونىڭ مالىمەتىنە سۇيەنسەك, پاندەمياعا بايلانىستى 187 مىڭعا جۋىق ادامدى جۇمىسپەن قامتىعان 12 مىڭعا تارتا كاسىپكەرلىك سۋبەكتىسى سالىقتار مەن الەۋمەتتىك تولەمدەردەن بوساتىلىپتى. سونداي-اق, دەپارتامەنتتە 953 079 مەملەكەتتىك قىزمەت كورسەتىلگەن. ونىڭ ىشىندە ەلەكتروندى تۇردە ۇسىنىلعان 928 162 قىزمەت بار. بۇل بارلىق قىزمەتتىڭ 97,4 پروتسەنتىن قۇرايدى.
