الدىمەن سوزىلمالى كەسەلدەرى بار – جۇرەك, قان تامىرلارى جانە باۋىر اۋرۋى بويىنشا ديسپانسەرلىك ەسەپتە تۇرعاندارعا ۆاكتسينا سالىنادى. قالا جەتكىلىكتى تۇردە ەكپەمەن قامتاماسىز ەتىلسە, تۇرعىنداردى جاپپاي ۆاكتسيناتسيالاۋ قولعا الىنادى.
«تاياۋ ۋاقىتتا ءوزىمىزدىڭ وتاندىق ۆاكتسينانى دا كوروناۆيرۋسقا قارسى قولدانامىز. سونداي-اق, ۇكىمەت تاراپىنان قىتايلىق جانە امەريكالىق ۆاكتسينانى ەلگە اكەلۋ ماسەلەسى تالقىلانىپ جاتىر. قازىر كەلىسسوزدەر جۇرگىزىلۋدە. ءبىز وسى ەكپەگە ۇلكەن ءۇمىت ارتىپ وتىرمىز. حالىقتى بارىنشا جاپپاي ەكپەمەن قامتاماسىز ەتسەك, ىندەتتىڭ تارالۋىن بارىنشا تەجەۋگە مۇمكىندىگىمىز بار. سوندىقتان جالپى حالىقتىق ۆاكتسيناتسيا ماسەلەسى ءبىز ءۇشىن وتە وزەكتى», – دەدى ناريمان تابىنباەۆ.
قالانىڭ باس دارىگەرى الماتىدا اقپاندا 1 750 مەديتسينا قىزمەتكەرى ەگىلىپ, بارلىعى دا رەۆاكتسيناتسيادان وتكەنى اتادى. ال ەكىنشى كەزەڭ 2021 جىلدىڭ 1 ناۋرىزىندا باستالدى. بۇل كەزەڭگە سپۋتنيك-V ۆاكتسيناسىنىڭ قوسىمشا 10 800 دوزاسى الىندى. قازىرگى تاڭدا 6 550 ادامعا ەكپە سالىنسا, ولاردىڭ 60 پايىزى – «قاۋىپتى ايماقتا» جۇمىس ىستەيتىن مەديتسينا قىزمەتكەرلەرى, 18 پايىزى – ۇستازدار, 12 پايىزى – قۇقىق قورعاۋ ورگاندارىنىڭ قىزمەتكەرلەرى.
ناريمان تابىنباەۆ كوروناۆيرۋسقا قارسى ەكپە مەملەكەتتىك بيۋدجەت ەسەبىنەن ءجۇرىپ جاتقاندىعىن مالىمدەدى.
