بۇگىن مەگاپوليستەگى وڭىرلىك كوممۋنيكاتسيالار قىزمەتىنىڭ الاڭىندا كوروناۆيرۋستى ينفەكتسيا مەن ۆاكتسيناتسيا تۋرالى الماتى قالاسى قوعامدىق دەنساۋلىق باسقارماسىنىڭ باسشىسى ناريمان تابىنباەۆ جۋرناليستەردىڭ ساۋالدارىنا جاۋاپ بەردى.
قازىرگى تاڭدا ستاتسيونارلاردا 1 239 ادام (ونىڭ ىشىندە 64 بالا) ەمدەلىپ جاتىر. ەرەسەك 13 ناۋقاستىڭ جاعدايى وتە اۋىر, ونىڭ ىشىندە 131-ءى اۋىر, 1095 ناۋقاستىڭ جاعدايى ورتاشا اۋىرلىقتا.
وتكەن جىلى الماتىدا كوروناۆيرۋستى ينفەكتسيامەن كۇرەس اياسىندا كۆي جانە پنەۆمونيامەن اۋىراتىن ناۋقاستاردى قابىلداۋ ءۇشىن جەتكىلىكتى توسەك-ورىن قورى جاساقتالعان بولاتىن. باستاپقى مەديتسينالىق-سانيتارلىق كومەك دەڭگەيىندە 298 ءموبيلدى بريگادا قۇرىلدى, وندا 948 قىزمەتكەر جۇمىس ىستەيدى. باستاپقى مەديتسينالىق-سانيتارلىق كومەكتىڭ ماقساتى – پاتسيەنتتەردى امبۋلاتوريالىق دەڭگەيدە مونيتورينگتەۋ, دياگنوستيكالاۋ جانە ەمدەۋ.
بۇگىنگى كۇنى قالا بويىنشا 7 011 ينفەكتسيالىق توسەك-ورىن, ونىڭ ىشىندە 250 رەانيماتسيالىق ورىن بار.
پاندەميا باستالعان ۋاقىتتا الماتىدا 500 توسەك-ورىن ارنالعان 2 ينفەكتسيالىق ستاتسيونار جۇمىس ىستەدى. 2020 جىلدىڭ شىلدە ايىندا الماتىنىڭ 27 مەديتسينالىق ۇيىمى كۆي-مەن اۋىراتىن ناۋقاستارعا ستاتسيونارلىق كومەك كورسەتتى.
سونىمەن قاتار, الماتى قالاسى قوعامدىق دەنساۋلىق باسقارماسىنىڭ شەشىمىمەن 280 توسەك-ورىنعا ارنالعان ي.س.جەكەنوۆ اتىنداعى مودۋلدىك كلينيكالىق جۇقپالى اۋرۋلار اۋرۋحاناسى, سودان كەيىن 300 توسەك-ورىندى بالالار قالالىق مودۋلدىك كلينيكالىق جۇقپالى اۋرۋلار اۋرۋحاناسى مەن 500 ورىندى رۆ-90 ينفەكتسيالىق اۋرۋحاناسىنىڭ ەكىنشى فيليالى پايدالانۋعا بەرىلدى.
– كۆي جانە پنەۆمونيامەن اۋىرعان پاتسيەنتتەردى ەمدەيتىن ۇيىمدار مەديتسينالىق وتتەگىمەن 100% قامتاماسىز ەتىلگەن.
6 ستاتسيوناردا وتتەگى گازداندىرۋ ستانتسيالارى سالىندى, ءبىز تاعى 12 ستانتسيانى پايدالانۋعا بەرۋگە دايىنداپ جاتىرمىز. وسىلايشا, 1 دەڭگەيلى ينفەكتسيالىق اۋرۋحانالاردىڭ جانساقتاۋ جانە رەانيماتسيا بولىمشەلەرىن وتتەگى جابدىقتارىمەن تولىق قامتاماسىز ەتۋ جۇزەگە اسىرىلدى.
كونسەرۆاتسيادا اۋىرلىعى جەڭىل دارەجەدەگى پاتسيەنتتەردى ەمدەۋ ءۇشىن سىيىمدىلىعى 1000 پاتسيەنتكە دەيىن قايتا جابدىقتالعان «حالىق ارەنا» سپورت كەشەنى ورنالاسقان, – دەدى ناريمان تابىنباەۆ.
ءبىر جىلدان كەيىن, پاندەميا باستالعالى بەرى قوعامدىق دەنساۋلىق باسقارماسىنىڭ مەديتسينالىق ۇيىمدارىندا تەك كۆي-مەن عانا ەمەس, باسقا دا اۋرۋلارمەن اۋىراتىن ناۋقاستاردى ەمدەۋگە ارنالعان ستاتسيونارلار, توسەك-ورىندارى, جابدىقتار, ءدارى-دارمەكتەر جانە ماماندار سانى جەتكىلىكتى.
