ءال-فارابي اتىنداعى قازۇۋ-ءنىڭ ءۇش عىلىمي جۋرنالى, اتاپ ايتقاندا «حيميا», «فيزيكا» جانە «ماتەماتيكا, مەحانيكا جانە ينفورماتيكا» حابارشى سەريالارى Web of Science مالىمەتتەر بازاسىنىڭ يندەكستەۋ تىزىمىنە قوسىلدى.
بۇل ۋاقىتقا دەيىن وسى مالىمەتتەر بازاسىندا «International Journal of Mathematics and Physics», «International Journal of Biology and Chemistry», سونداي-اق ءال-فارابي اتىنداعى قازۇۋ-مەن بىرلەسىپ شىعارىلاتىن «Eurasian Chemico-Technological Journal» جانە «قر ۇعا حابارشىسى. فيزيكا جانە ماتەماتيكا سەرياسى» جۋرنالدارى بولعان.
Russian Science Citation Index (RSCI) – بۇل عىلىمي باسىلىمداردىڭ كوپ سالالى دەرەكقورى جانە ول Web of Science-كە ەنگىزىلگەن زەرتتەۋ ناتيجەلەرىنىڭ الەمدىك قول جەتىمدىلىگىن قامتاماسىز ەتەدى.
Russian Science Citation Index (RSCI) يندەكسىنىڭ دەرەكقورىنا عىلىمي جاريالانىمداردى قوسۋ ءۇردىسى باعالاۋدىڭ بىرنەشە كەزەڭىنەن تۇرادى, سونىڭ ىشىندە رەسەيلىك عىلىمي دايەكسوزدەر يندەكسىندەگى (رينتس) جۋرنالدىڭ بيبليومەتريالىق كورسەتكىشتەرى جانە جەتەكشى عالىمدارمەن باسىلىمنىڭ عىلىمي ساراپتاماسى قاراستىرىلادى.
RSCI-دە ماڭىزدى عىلىمي قۇندىلىعى بار ەڭ جاقسى باسىلىمدار جيناقتالعان. سوندىقتان, ءال-فارابي اتىنداعى قازۇۋ حابارشىسى سەريالارىنىڭ Russian Science Citation Index دايەكسوز يندەكسىنە قوسىلۋى, سونداي-اق عىلىمي قاۋىمداستىق ءۇشىن ەڭ بەدەلدى Web of Science مالىمەتتەر بازاسىنداعى ۋنيۆەرسيتەتتىڭ 7 جۋرنالىنىڭ يندەكستەلۋى ۋنيۆەرسيتەتتىڭ عىلىمي زەرتتەۋلەر مەن عىلىمي جاريالانىمدار ساپاسىن ارتتىرۋ ستراتەگياسىنىڭ ءساتتى ەكەندىگىن تاعى ءبىر رەت دالەلدەيدى.
