ايماقتار • 15 ناۋرىز، 2021

الماتىعا قاشان لوكداۋن قويىلادى؟

1137 رەت كورسەتىلدى

الماتى قالاسىنىڭ باس مەملەكەتتىك سانيتارلىق دارىگەرى جانداربەك بەكشين شاھاردىڭ قانداي جاعدايدا تولىقتاي كارانتينگە جابىلاتىنىن مالىمدەدى، دەپ حابارلايدى Egemen.kz

وسى ورايدا جانداربەك بەكشين كارانتيندىك شەكتەۋ شارالارىن جالعاستىرۋ كەرەكتىگىن جەتكىزدى.

«بۇگىندە بىزدە 3400 توسەك-ورىن بار، ولاردىڭ جۇكتەمەسى 40 پايىزدان اسپايدى. سونىمەن قاتار، 7 مىڭ رەزەرۆ توسەك بار، بىراق رەزەرۆتەر دە تاۋسىلۋى مۇمكىن. اۋرۋحاناعا تاۋلىگىنە 5000 ادام جاتقىزىلسا، وندا ءبىر ينكۋباتسيالىق كەزەڭ ىشىندە بارلىق توسەك-ورىنداردى تولىعىمەن الامىز. بۇعان جول بەرۋگە بولمايدى. ەگەر كۇنىنە 300 ناۋقاس جاتقىزىلسا دا، قالا لوكداۋنعا جابىلادى. ۋاقتىلى شارالار قابىلداماساق، وندا، ارينە، بارلىعىن تولىعىمەن جاۋىپ، توقتاتۋعا تۋرا كەلەدى. ءبىزدىڭ مىندەتىمىز - بۇعان جول بەرمەۋ»، دەدى ول.

ەسكە سالايىق، 10 ناۋرىزدا الماتى «قىزىل» ايماققا ەندى. كارانتين رەجيمى قالادا 13 ناۋرىزدان باستاپ كۇشەيتىلدى. الماتى قالاسىنىڭ باس مەملەكەتتىك سانيتارلىق دارىگەرى جانداربەك بەكشين مەگاپوليس مەكتەپتەرىندە سىنىپتاعى وقۋشىلار سانى 25-تەن اسپايتىنىن ايتقان ەدى.

بۇدان بولەك، وتكەن دەمالىس كۇندەرى، ياعني 13 جانە 14 ناۋرىزدا، قالادا قوعامدىق كولىكتىڭ جۇمىسى توقتاتىلدى.

سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار