«ورتا ءبىلىم بەرۋدە جاڭارتىلعان مازمۇنعا كوشۋ اياقتالدى, 100 پايىز كوشتىك. بالالاردىڭ قاۋىپسىزدىگىن قامتاماسىز ەتۋ ماقساتىندا بارلىق وڭىردە مەكتەپتەردى بەينەباقىلاۋ جۇيەسىمەن 100 پايىز, جىلى اجەتحانالارمەن 99 پايىز قامتاماسىز ەتىلدى», دەدى مينيستر.
ءمينيستردىڭ ايتۋىنشا, ورتا ءبىلىم بەرۋ جۇيەسىنىڭ نەگىزگى پروبلەمالارىنىڭ ءبىرى – ول قالا جانە اۋىل مەكتەپتەرى اراسىنداعى ءبىلىم ساپاسىنىڭ الشاقتىعى.
«وسى ماسەلەنى شەشۋ جولدارىن پىسىقتادىق. سونىڭ ىشىندە «وقۋعا قۇشتار مەكتەپ» جوباسىن ىسكە قوسىپ جاتىرمىز. ونىڭ اياسىندا مەملەكەتتىك تىلدەگى كوركەم ادەبيەتتىڭ مەكتەپ كىتاپحانا قورىندا ايتارلىقتاي جاڭارتۋ مىندەتى تۇر. وسى باعىتتاعى جۇمىستاردى بيىل شەشۋ كەرەك. سونىمەن قاتار, كىتاپحاناشىلاردىڭ جالاقىسىن كوتەرۋ ماسەلەسى دە وتە ماڭىزدى. بۇل بويىنشا ءتيىستى تاپسىرمانى مەملەكەت باسشىسى جۇكتەگەن ەدى. سوندىقتان وسى جۇمىستى بيىل جالعاستىرامىز», دەدى ا.ايماعامبەتوۆ.
