قازىر قالامگەردىڭ سكريپكاسى كىندىك قانى تامعان يساتاي اۋدانىنداعى مۋزەيدە ساقتاۋلى تۇر. مۋزەي قىزمەتكەرى ءازيزا حامزينانىڭ ايتۋىنشا, ماقسۇت نەتاليەۆ 1956-1957 جىلدارى رەسپۋبليكالىق فەستيۆالدارعا قاتىسىپ, سكريپكامەن كيەلى ساحنادا ونەرىن كورسەتىپتى. ءتۇرلى ماراپاتتارعا دا يە بولىپتى.
– اقىن تابيعاتتىڭ اسەمدىگىنە, قورشاعان ورتاعا ويلى كوزبەن قاراپ, ادەمى دە اسەرلى ساتتەردى ولەڭمەن ورنەكتەپ قانا قويعان جوق. قالام قۋاتىمەن بىرگە, قولىنان تاستاماعان سكريپكانىڭ سازدى اۋەنىمەن تىڭداۋشىسىن ەلىتە بىلگەن عوي. قازىر سول سكريپكاسى اۋداندىق مۋزەيدىڭ قۇندى جادىگەرىنىڭ بىرىنە اينالدى, – دەيدى ءازيزا حامزينا.
ونىڭ ايتۋىنشا, مۋزەيدە اقىننىڭ بۇدان وزگە دە بىرنەشە جادىگەرى بار. سونىڭ ءبىرى – ۇنەمى وزىمەن بىرگە الا جۇرەتىن فوتواپپاراتى.
اتىراۋ وبلىسى
