قالانىڭ باس سانيتارى سارحات بەيسەنوۆانىڭ ايتۋىنشا, ناۋرىز مەيرامىن جاپپاي تويلاۋعا تىيىم سالىندى. سەبەبى ىندەتتىڭ تارالۋىنا شەكتەۋ قويۋ ماقساتىندا بۇقارالىق ءىس-شارالارعا شەكتەۋ قويىلعان.
«قالا تۇرعىندارى سانيتارلىق شارالاردى قاتاڭ ساقتاۋعا ءتيىس. دەمالىس, مەرەكە كۇندەرى مونيتورينگتىك توپتاردىڭ جۇمىسى كۇشەيتىلەدى. ادامدار كوپ جينالاتىن ورىندارعا بارۋدىڭ, بەتپەردەسىز ءجۇرۋدىڭ ناۋقاس ادامدارمەن بايلانىستا بولۋدىڭ سوڭى ازاماتتاردىڭ دەنساۋلىعىنا كەرى اسەر ەتەدى. وسىنى قاپەردە ۇستاۋ قاجەت», دەدى نۇر-سۇلتان قالاسىنىڭ باس مەملەكەتتىك سانيتارلىق دارىگەرى.
ايتا كەتەيىك, 10 ناۋرىزدان باستاپ نۇر-سۇلتان قالاسى ەپيدەميالىق جاعدايدى باعالاۋ ماتريتساسى بويىنشا «قىزىل ايماققا» ەندى.
«پاندەميا باستالعاننان بەرى نۇر-سۇلتاندا كوروناۆيرۋس جۇقتىرۋدىڭ 26 124 جاعدايى تىركەلدى. بۇگىنگە دەيىن 24 مىڭ 309 ناۋقاس جازىلدى», دەدى سارحات بەيسەنوۆا.
