تەندەرلىك ۇسىنىستارعا جوبانىڭ سيپاتتاماسى, ەگجەي-تەگجەيلى كالكۋلياتسياسى مەن ۇسىنىلاتىن تەحنولوگيانىڭ سيپاتتاماسى قوسا كورسەتىلۋى ءتيىس. جوبا قۇنىنىڭ تەڭ جارتىسىن وكم وپەراتورى ينۆەستيتسيالايدى. وتىنىمدەر 2021 جىلدىڭ 12 ساۋىرىنە دەيىن قابىلدانادى.
ارالاس ماتەريالداردان جاسالعان قاپتاما قالدىقتارىن قايتا وڭدەۋ بويىنشا العاشقى زاۋىتتىڭ قۇرىلىسى قازاقستاندا كادەگە جاراتۋ سالاسىن دامىتۋ ستراتەگياسىنىڭ ءبىر بولىگى بولىپ سانالادى. ارالاس قاپتاما – نەگىزىن كارتون ماتەريال قۇرايتىن سۇيىق تاعامعا ارنالعان كومپوزيتسيالىق ماتەريالدان جاسالعان قاپتاما. اتالعان قاپتاما ماتەريالىنىڭ قۇرامىندا 75% كارتون, 20% پلاستيك, 5% اليۋميني بولادى. قاپتامانىڭ 75% شاماسىن قۇندى رەسۋرس بولىپ سانالاتىن قايتا وڭدەۋگە كەلەتىن تسەلليۋلوزا قۇرايدى.
جىل سايىن 20 مىڭ توننادان استام ارالاس قاپتاماداعى قالدىقتار جينالادى. وسى قاپتاماداعى قالدىقتاردى جيناۋ جانە قايتا وڭدەۋ بويىنشا كاسىپورىنداردىڭ بولماۋىنا بايلانىستى قازىرگى ۋاقىتتا قالدىقتاردىڭ اتالعان ءتۇرىنىڭ بارلىق كولەمى قوقىس پوليگوندارىندا كومىلەدى. ارالاس قاپتامانى قايتا وڭدەۋ بويىنشا ءبىرىنشى نىساننىڭ قۇرىلىسى قازىرگى جاعدايدى وزگەرتۋگە مۇمكىندىك بەرەدى. وكم وپەراتورى پلاستيكالىق قالدىقتار مەن ءتۇستى شىنىنى جيناۋ جانە وڭدەۋ بويىنشا ينفراقۇرىلىمدى دامىتۋدى جوسپارلاپ وتىر.
وكم وپەراتورى بيىل قايتا وڭدەۋ سالاسىن قارجىلاندىرۋدىڭ جاڭا «EcoQolday» مودەلىن ىسكە قوستى. «ەسoQoldaý» جوباسى قاپتاما قالدىقتارىن (ماكۋلاتۋرا, پلاستيك, شىنى) جيناۋ, وڭدەۋ, تاسىمالداۋ جانە كادەگە جاراتۋ باعىتىندا جۇمىس ىستەپ جۇرگەن كاسىپكەرلەر مەن وسى سالاعا جاڭادان قوسىلاتىن كاسىپكەرلەردى قارجىلاي قولداۋدىڭ تاماشا مۇمكىندىگى. «EcoQolday» جوباسى ىسكە قوسىلعان ساتتەن باستاپ (2021 جىلعى 27 قاڭتاردان باستاپ) جۇيەدە 6 352,9 توننا قايتالاما شيكىزاتتى جيناۋعا جانە قايتا وڭدەۋگە وتىنىمدەر پىسىقتالدى. قورىتىندى بويىنشا 4720,70 توننا قايتالاما شيكىزات كادەگە جاراتىلدى.
