قالا ورتالىعىنان بوي كوتەرگەن جاڭا نىساننىڭ قۇرىلىسىنا «دانەكەر» جشس قولداۋ ءبىلدىرىپ, دەمەۋشىلىك كورسەتكەن. 2 قاباتتى جاڭا نىسان زاماناۋي تالاپتارعا ساي, وزىق ساۋلەت ۇلگىسىندە سالىنعان. عيماراتتىڭ ءبىرىنشى قاباتىندا 100 ادامعا ارنالعان كونفەرەنتسيا زالى مەن ءوتىنىش-تىلەگىن جەتەكشى پارتيانىڭ نازارىنا جەتكىزۋگە كەلگەن ازاماتتاردى قابىلداۋعا ارنالعان «قوعامدىق قابىلداۋ» بولمەسى بار. ەكىنشى قاباتتا قىزمەتكەرلەردىڭ جۇمىس كابينەتتەرى ورنالاسقان.
نىساننىڭ اشىلۋىندا وبلىس اكىمى گۇلشارا ابدىقالىقوۆا «جەتەكشى پارتيا وكىلدەرىنىڭ تۇرعىندارعا ساپالى قىزمەت ەتىپ, ەلباسى مەن مەملەكەت باسشىسىنىڭ ناقتى تاپسىرمالارىن ناتيجەلى ورىنداپ, مەملەكەتتىك ساياساتتى ءساتتى جۇزەگە اسىرا بەرەتىندىگىنە سەنىم مول» - دەپ, «Nur Otan» پارتياسى قىزىلوردا قالالىق فيليالىنىڭ جۇمىسىنا ساتتىلىك تىلەدى.
ايتا كەتەيىك, پارتيانىڭ قالالىق فيليالى 36 باستاۋىش پارتيا ۇيىمى مەن 261 پارتيالىق توپتان قۇرالعان.
