زاڭ جوباسىن ماقۇلداۋعا مەكسيكا كونگرەسىنىڭ 316 مۇشەسى داۋىس بەردى. داۋىس بەرۋشىلەردىڭ 127-ءسى قارسىلىق تانىتتى. زاڭ جوباسى ماريحۋانانى ءوسىرۋ, وڭدەۋ, ساتۋ, زەرتتەۋ, ەكسپورتتاۋ نەمەسە يمپورتتاۋ ليتسەنزياسىنىڭ بەس تۇرىنە رۇقسات بەرەدى. 18 جاستان اسقان, رۇقساتى بار ادامدار عانا ماريحۋانانى ءوسىرىپ, قولدانا الادى.
زاڭ جوباسى تۇپكىلىكتى ماقۇلداۋ ءۇشىن پارلامەنتتىڭ جوعارعى پالاتاسىنا جىبەرىلەدى. وندا جوبا ماتىنىنە كىشىگىرىم وزگەرىستەر ەنگىزىلۋى مۇمكىن.
«بۇل – بولاشاق تاريحى», دەدى لوپەس وبرادور باسقارۋشى پارتيا دەپۋتاتى سيمەي ولۆەرا.
بۇعان دەيىن ەل پرەزيدەنتى كاننابيس پەن باسقا دا ەسىرتكىلەردى زاڭداستىرۋ مەكسيكانىڭ كۇشتى ەسىرتكى كارتەلدەرىمەن كۇرەسۋگە كومەكتەسەتىنىن مالىمدەگەن ەدى. وسىلايشا, مەكسيكا ۋرۋگۆاي مەن كانادادان كەيىنگى ماريحۋانانى قولدانۋعا رۇقسات ەتىلگەن الەمدەگى ءۇشىنشى ەل بولدى.
